Врвната моделска серија на Scania се води под буквата S, исто како и знаменосецот на Mercedes. Шведските камиони досега се означуваа со буквата S на почетокот и бројот на коњски сили во продолжение. Отсега, овој редослед се менува, односно прво ќе се наведува бројот на коњски сили, а по него буквата S, на пример 450 S или 730 S.
Новата ознака на традиционалниот производител на камиони од Шведска ќе се користи само за изведбите S на возачката кабина. Причина за менувањето на ознаката е договорот со Daimler, кој буквата S веќе долго време ја користи како типска ознака за моделите од S-Class. Наспроти тоа, Scania почна да го користи новото означување, со серијата на возачката кабина на прво место и со моќноста на моторот во продолжение, откако во 2004 година ги лансираше сериите PGR.
Новата ознака со бројот на коњски сили и буквата S по него ќе се користи кај сите камиони што се веќе нарачани. Типските ознаки на останатите моделски серии не се менуваат.
Mercedes Actros со титула на најдобар камион во светот