Во првиот месец од годинава, дури 46 производители пријавија намалена продажба во споредба со ланскиот јануари, додека 34 производители пријавија раст. Тоа го покажуваат првичните резултати според податоците што се добиени од 98 проценти од пазарот во ЕУ, ЕФТА и ОК.
Најголем пад претрпе германската марка на концернот Стелантис, Опел, со близу 11.000 автомобили помалку. Следи Тојота, со јануарска продажба намалена за околу 9.000 автомобили во споредба со истиот месец во 2024 година.
Фолксваген и БМВ искористија од слабоста на Тесла
Големиот пад во продажбата на Тесла им донесе зголемена продажба на електричните возила на марките Фолксваген и БМВ, што предизвика крупни поместувања меѓу најпродаваните ЕВ во Европа.
Тежок почеток на годината
Опел и Тесла изгубија речиси 20.000 продажби во споредба со јануари 2024 година
| 1 | Opel | 28,222 | −10,964 | −28% |
|---|---|---|---|---|
| 2 | Tesla | 10,511 | −8,924 | −46% |
| 3 | Toyota | 70,867 | −5,681 | −7.4% |
| 4 | Fiat | 24,422 | −5,251 | −18% |
| 5 | Citroen | 27,763 | −4,906 | −15% |
| 6 | Audi | 49,033 | −4,071 | −7.7% |
| 7 | Seat | 16,586 | −3,222 | −16% |
| 8 | Lancia | 1,049 | −2,869 | −73% |
| 9 | Nissan | 24,433 | −2,488 | −9.2% |
| 10 | Volvo | 23,561 | −2,001 | −7.8% |
Продажбата на Тесла падна за 46 проценти, на 10.491 возила. Двата модели на производителот од САД во јануари имаа пад од 36 проценти и повеќе.
Марката Фолксваген ја зголеми продажбата на ЕВ за 203 проценти, на 20.479 возила, со раст на моделите од ИД-семејството од 27 проценти па нагоре.
БМВ исто така ја престигна Тесла во продажбата на ЕВ, со раст од 36 проценти и продадени 13.715 возила. Најмногу напредуваше и Икс 1 со 3.883 возила или за 64 проценти повеќе од јануари 2024.
Марката БМВ исто така ја престигна продажбата на ЕВ-модели на Тесла, со најголем раст на и Икс 1 од 64 проценти и продадени 3.883 возила.
Вкупната продажба на сите електрични модели во Европа во минатиот месец порасна за 36 проценти, со продадени 166.691 возило. Тоа на ЕВ им донесе пазарен удел од 16,8 проценти, што е повеќе од просекот во минатата година, од 13 проценти. Ваквиот удел сепак останува далеку од 20 до 22 проценти, што извршниот директор на групацијата Рено, Лука де Мео, вели дека е потребно да се постигнат како основен праг, за да се исполнат построгите барања на ЕУ за емисијата на ЦО2 за 2025 година.
Како минаа кинеските производители во јануари?
Производителите од Кина ја зголемија продажбата за 52 проценти, со вкупно 38.706 возила, спротивно од надолниот тренд што го бележи целиот европски пазар.
Со таква продажба, кинеските производители освоија 3,9 проценти од пазарот во Европа во јануари. Во истиот месец лани, тој удел изнесуваше 2,5 проценти.
Државниот производител САИЦ, со својата марка МГ, продаде 19.423 возила или за 17 проценти повеќе од лани, со што е најпродавана кинеска марка во Европа, со удел од 50 проценти меѓу производителите од Кина.
Соперникот БИД ја зголеми продажбата за 175 проценти, на 6.930 возила во јануари, и со тоа е пред Полстар, со продадени 2.584 возила, што претставува раст од 131 проценти. Аналитичарите го водат Полстар како кинеска марка, затоа што е во сопственост на тамошна компанија и главнината од своите возила ја произведува во Кина.
Омода, марка на Чери, фаќа залет во Европа. Нејзиниот единствен модел тука, Омода 5, постигна 2.144 продажби во јануари, што беше доволно за Омода да стане 4-та најпродавана кинеска марка во Европа.
Кои марки се големите победници на европскиот пазар во јануари?
Британската спортска марка Лотус, денес дел од Џили, ја зголеми продажбата за 164 проценти, со 420 возила во јануари. Најпродаван е целосно електричниот Елетре, со удел од 81 проценти во продажбата на марката со седиште во ОК.
Купра, премиум спортската марка на групацијата Фолксваген, напредуваше 53 проценти во јануари, со продадени 20.369 возила. Дел од растот се должи и на електричниот компакт Борн, со продадени 3.743 возила.
Рено ја зголеми јануарската продажба за 17 проценти, со 48.959 возила. Најголеми двигатели на продажбата беа Симбиоз и Сеник Е-Тек, со продадени 3.983 и 2.835 возила.
Дали царините за ЕВ ја забавија продажбата на кинеските електрични автомобили?
И покрај зголемените царини за ЕВ што се увезуват во ЕУ од Кина, продажбата на целосно електрични модели порасна за 32 проценти, на 12.985 возила, што е незначително под вкупниот раст од 36 проценти во продажбата на електрични возила во Европа.
Европските производители на автомобили придонесоа во најголема мера за зголемената продажба на ЕВ во минатиот месец, со вкупен раст од 54 проценти и продадени 118.434 електрични возила.
Најголем поттик за продажбата постигна Фолксваген ИД.4, чијашто продажба се зголеми за близу 200 проценти во споредба со јануари 2024. Одлично минува и лимузината од средна класа со погон на струја, ИД.7, со продадени 5.866 возила, што ѝ донесе наслов на трет најпродаван ЕВ во Европа во минатиот месец.
Друг силен пробив ѝ припаѓа на новата Киа ЕВ3, којашто веднаш стартуваше од 4-то место на најпродавани ЕВ, со 5.863 возила.
Волво Е Икс 30, третиот најпродаван ЕВ за цела 2024 година во Европа, во јануари падна на 10-то место, иако продажбата му е порасната за 86 проценти во споредба со првиот месец во минатата година.
