Пет низи од по 15 фотографии, сите дела на најдобрите фотографи на денешницата, во октомври ќе бидат изложени во галериите на YellowKorner и во салоните на Peugeot. Темата е „Allure“, омилениот поим на менаџерската ѕвезда Линда Џексон, извршна директорка на Peugeot, што прво се спомнува при секоја презентација на нов модел или каква и да било активност од Париз.
Светот досега има добро научено, дека сé што денес прави Peugeot, го прави според три водилки:
EMOTION: Фотографите ќе ја користат моќта на фотографијата, за Allure да го сместат во срцето на животот.
ALLURE: Peugeot сака својата оптимистичка визија за иднината да ја сподели, прераснувајќи го „Allure activist“.
EXCELLENCE: Peugeot почнува соработка со YellowKorner, водечки издавач на уметнички фотографии.
Тоа е многу отмено, француски, давањето значење на сите овие три поими, на секоја пригода што се поврзува со Peugeot. Францускиот збор Allure е наједноставно да се преведе како привлечност. Но, тоа е премногу едноставно толкување. Овој уметнички потфат е сосем извесно дека ќе помогне за вистински да се разбере што точно мислат во Peugeot кога кажуваат Allure.
Шефицата Џексон, Британка, еднаш има објаснето дека „allure“ значи оти иднината мора да се замислува со стил, креативност и амбиција, од човечко гледиште. Целата марка се поставува околу Allure. Се мисли и на состојба на умот, на пристап и на однесување, што е далеку над обично појавување. За сета оваа филозофија да биде разбирлива пошироко, светски прочуените фотографи ја добија благородната задача, да покажат како изгледа Allure преку примери од секојдневието.
Peugeot генерално се залага многу во светот на уметноста. Само во изминативе неколку седмици, Peugeot отпочна цела низа уметнички соработки со креатори од новата генерација. Меѓу нив се Емерик Чачоуа, основач на брендот облека 3.PARADIS, како и визуелниот уметник Џ. Демски. Француската марка им даде можност на уметниците да ја прикажат својата визија на „Allure“.
YellowKorner располага со мрежа од 130 уметнички галерии во 20 држави ширум светот. Посебно место ужива онлајн-галеријата yellowkorner.com.
Peugeot и YellowKorner повикаа петмина светски прочуени фотографи, преку серија од по 15 фотографии да дадат толкување на Allure. На три од овие фотографии ќе се најдат модели на Peugeot, по избор на уметниците.
Петммина фотографи, петмина истражувачи на Allure
- Teresa Freitas: “Finding Allure in colours” во Мароко
- Laurent Baheux: “Allure of the lion” во Кенија
- Mister Fifou: “The pride of Allure” во преградиетео на Париз
- Laurence Laborie: “Feminine Allure” во Ланзаротe
- Oliviero Toscani: “The landscape of Allure” во Тоскана
Сите дела што ќе ги објави YellowKorner, фотографиите од соработката со Peugeot, ќе бидат достапни за купување за јавноста.
Проектот веќе се одвива, почнувајќи од 20-ти април, од Светскиот фестивал на фотографијата во Венеција, каде што е партнер YellowKorner. Таму беше првпат претстaвена соработката со Peugeot.
