Акција каква што сигурно би сакале да доживеат и македонските возачи. Opel нуди 4.000 евра за сопствениците на стари автомобили, за замена со нова Astra
Сопствениците на стари автомобили во Германија, чијашто пазарна вредност обично изнесува до 1.000 евра, добиваат примамлива можност за замена со нова Astra. Дилерите на Opel практично го откупуваат стариот автомобил по цена од најмногу 4.000 евра, одбивајќи ја таа сума од вредноста на новиот модел.
Највисокиот попуст следува за Opel Astra со 1,4-литарски турбо бензинец, со 150 КС и ниво на опрема Innovation. Акцијата во Германија трае до 31-ви август, низ целата дилерска мрежа во земјата. Во македонскиот ценовник, оваа моделска изведба на Astra фигурира со цена од 21.764 евра.
Посебни услови во рамките на акцијата што се нарекува „Opel Wechselwochen“ или „Опеловите недели за замена“, се добиваат и за Corsa, како и за триото X-модели, Crossland X, Mokka X и Grandland X.
