За седум месеци Opel Mokka се потврди како бестселер, со повеќе од 100.000 нарачки. Малиот теренец е особено популарен во Германија, Русија, Англија, Италија и Франција.
Opel реагира на огромниот интерес за моделот и сега го нуди моделот со 1,4-литарски турбо бензинец со 140 КС и во поевтина и поштедлива верзија со погон само на предните тркала, во комбинација со шестстепен менувач. Покрај тоа е проширена и понудата на дополнителна опрема со врвно озвучување Bose, бандажи со пет краци од 19 инчи и каросерија во металик портокалова боја.
Новата комбинација од мотор, менувач и погон на предната оска овозможува просечна потрошувачка од 6,7 литри. Со моторот со 140 КС, Mokka забрзува за 10,7 секунди до 100 и постигнува крајна брзина од 187 километри на час. Новитет се и аудиокомуникациските уреди CD 600 Interlink и Navi 950 Europa Interlink, со екрани со висока резолуција и пречник од 7 инчи и пренос на слика од опционалната камера за рикверц. Телефонирање преку блутут врска и аудио стриминг исто така се можни.
