Пред три децении, во 1994 година, владееше голема разноликост на каросериските концепти. Тоа е време на првата Тојота РАВ4, на семејните ванови, на класичните кабриолети, но и на тешките претседателски лимузини.
За автомобили произведени пред најмалку 30 години, во Шпанија, Германија, Финска, Швајцарија, во бројни европски држави, се добиваат посебни повластици при регистрирање, доколку се во оригинална состојба и се технички беспрекорни – станува збор за олдтајмери.
Тоа е старосната граница што мора да ја минат автомобилите, за да бидат признаени како олдтајмери, и да уживаат низа погодности во повеќето европски земји, што инаку имаат строги барања во поглед на емисијата на штетни материи.
Точно е дека збунува тоа што еден Волво 850 или Мерцедес од моделската серија В 140 веќе од следната година ќе се водат како олдтајмери, како возила од историско значење. Тие возила сепак мора прво да минат низ строга контрола при техничкиот преглед и да ја оправдаат регистерската ознака (на пр. во Германија почнува со Х), којашто сведочи дека станува збор за повеќедецениска гордост, за миленичка на сопственичката или сопственикот на тој автомобил.
Без оглед дали земјата има посебен третман кон историските возила, луѓето ги сакаат овие автомобили. Доволно е само задоволството кога ќе се помисли дека автомобилот е произведен пред 30 години.
Автомобилската сцена тогаш се одликуваше со голема разновидност на каросериските концепти. Постојано се развиваа нови видови каросерии, луѓето ги обожуваа. Така на пример, пред 30 години се појави првата Тојота РАВ4. Сцената уште немаше сретнато така осмислен автомобил, способен за возење и забава по терените, но погоден и за секојдневно возење во град, за пат, со симпатична појава.
Хит во тоа време беа и евровановите на Ситроен (Евазион), Фиат (Улисе), Ланчиа (Зета) и Пежо (806). Денес сите овие марки се обединети во концернот Стелантис. Во 1995 година, тие добија силна конкуренција од триото Фолксваген Шаран, Сеат Аламбра и Форд Галакси.
Рено уште имаше впечатлив и ценет модел од средната класа, Лагуна. Ауди стартуваше со А4, со новини и во дизајнот и во техниката. Народот можеше да си дозволи малечко, а стилско купе, во форма на Опел Тигра. Кон проширување на пазарот за марката целеше и првиот БМВ 3 Компакт (Е36).
Светот се одушевуваше од Ферари Ф355 и Ф512М. Порше ја прошируваше гамата на 911 (993), БМВ почна со првиот М3 кабриолет. Волво 850 Т-5Р беше малку поразличен „швеѓанец“, брз и управлив.
Во мотоспортот се случија две трагедии. На трката во Имона, загина трикратниот светски шампион Аиртон Сена, за многумина најдобар Ф1-пилот во историјата. Претходно, за време на квалификациите, загина Роланд Раценбергер. Светот уште тагуваше, кога Михаел Шумахер, во таа година ќе ја освои својата прва шампионска титула, воедно и прв Германец, тогаш уште во Бенетон-Форд.
Опел и Форд се натпреваруваа во имиџот, со модели од повисоките класи. Во таа година, Форд го смени дизајнот на Скорпио, и тоа беше еден од најголемите дизајнерски гревови. Во исто време стартуваше и Опел Омега Б, којашто се продаваше далеку подобро, меѓутоа никој не насетуваше дека и овој славен модел по неколку години ќе си замине од сцената. Се јави и Ланчиа, со својата Капа, ветувајќи гран-туризмо во најубавата форма, меѓутоа моделот убеди само малку купувачи.
Европа се зближуваше во 1994 година. Отворен е еуротунелот меѓу француското Кале и англискиот Фолкерстоун, Унгарија побара членство во ЕУ, Австријците и Швеѓшаните гласаа за нивните земји да се придружат во Унијата.
Волво 960, со шестцилиндарец под хаубата и во служба на шведското кралско семејство, отпочна со посилен пробив на европскиот пазар, за да се најде во возниот парк на државните и корпорациските челници. Шведската лимузина сепак ги имаше за противници моќните премиум модели со Ве-8 или Ве-12 мотори од германските и британските марки. Јагуар и Дајмлер требаше да воспостават нови стандарди меѓу луксузните лимузини, со Икс-Џеј и со Дабл Сикс, но тоа им успеа само на Даунинг Стрит 10, во владата на Џон Мејџор.
Неприкосновен владетел меѓу луксузните лимузини беше Мерцедес С-Класа, од генерацијата В 140. Секако дека тоа беше автомобил по избор на тогашниот германски канцелар Хелмут Кол. Во 1994 година, Штугарт смени неколку линии на својот знаменосец, за каросеријата да изгледа поотмено. На С-класата ѝ контрираше втората генерација на Лексус ЛС. Тоа е годината кога и БМВ стартуваше со третата генерација на Серија 7 (Е38).
Не мируваше и Ауди, со првиот А8, со алуминиумска каросерија, долга 5,16 метри – со погон на сите тркала кватро, секако.
Главните автомобили по улиците беа новото Фолксваген Поло, коешто во третата генерација стана поголемо од Голф 1. Шкода ја преработе својата Фелициа по теркот на концернот Фолксваген. Хјундаи Акцент изненади со своите квалитети во градската класа. Вниманието го привлекуваше Мазда 323 Ф, со купе-опаш.
Субару Легаси беше на пат да стане најпродаван 4х4 на сите времиња. Тојота Селика Турбо 4ВД триумфираше како рели-шампион.
Делот од сцената што ги побудуваше емоциите им припаѓаше на Алфа Ромео 145 и 146, дизајнирани од Ермано Кресони, како и на Алфа Ромео ГТВ и Спајдер, со стилот на Пининфарина.
Тоа беше година на кабриолетите: Фиат Пунто, Пежо 306, Мерцедес Е200 (В 124), Сааб 900 Кабрио – точно историски автомобили.
Овие модели ќе слават 30-годишнина во 2024
- Alfa Romeo 145, Alfa Romeo 146 (декември 1994), Alfa Romeo GTV и Alfa Romeo Spider (Тип 916, есен 1994)
- Asia Rocsta (продажба преку Kia)
- Aston Martin DB7, Aston Martin Vantage, Aston Martin Lagonda Sedan/Station Wagon
- Audi A4 Limousine, Avant (B5), Audi A6/S6 (прв A6, наследник на Audi 100), Audi A8 (прв Audi A8, наследник на Audi V8), Audi RS2 (почеток на испорака),
- Bentley Turbo S
- BMW 3er Compact (E36), BMW M3 Cabriolet, BMW 7 (E38)
- Buick Riviera (нова генерација)
- Cadillac LSE (со 3,0-литарски V6, врз основа на Opel Omega)
- Callaway C7, Chevrolet Cavalier (нова генерација)
- Chevrolet Lumina, Chevrolet Monte Carlo (нова генерација), Chevrolet Blazer (нова генерација)
- Chrysler Neon (почеток на испорака), Chrysler Stratus, Chrysler Sebring
- Citroen AX 1.6 Diesel, Citroen Xantia Activa, Citroen Evasion (Eurovan-кооперација со Citroen, Fiat, Lancia, Peugeot)
- Daihatsu Charade лимузина (G200/G203)
- Daimler Six/Double Six (Тип X 305, паралелно со Jaguar XJ)
- Ferrari F355, Ferrari F512M
- Fiat Cinquecento Sporting, Fiat Punto Cabrio, Fiat Ulysse (Eurovan)
- Ford Contour (американаки модел, Ford Mondeo), Ford Escort RS Cosworth (нова техника),
- Ford Windstar, Ford Scorpio ’95 (деби октомври 1994)
- Honda Civic со 5 врати, Honda Shuttle
- Hyundai Accent (деби есен 1994)
- Jaguar XJ6/XJ12 (X300), Lancia Dedra Station Wagon
- Lancia Kappa, Lancia Zeta (Eurovan)
- (Land Rover) Range Rover (втора генерација, P38A/LP)
- Lexus LS 400 (Typ UCF20, втора генерација)
- Maserati Quattroporte (4-та генерација)
- Mazda 323 (тип BA, 5-та генерација)
- Mercedes-Benz S-Klasse (генерација 140 – лимузина и купе, моделско освежување, нов S 420 Coupé), Mercedes-Benz E-Klasse (серија 124 – E 60 AMG (280 kW/381 КС) како и E 500 Limited (235 kW/320 КС) и E 200 Cabriolet), Mercedes-Benz C-Klasse (генерација 202 – C 36 AMG со 280 КС)
- Mercury Mystique (Ford Mondeo)
- Mitsubishi Space Gear, Nissan Maxima (A32)
- Opel Tigra, Opel Omega B,
- Peugeot 306 Cabriolet и Peugeot 306 лимузина, Peugeot 806 (Eurovan)
- Pontiac Sunfire, Pontiac Firebird Convertible (нова генерација)
- Renault Laguna, Renault Safrane Biturbo
- Rolls-Royce Flying Spur
- Saab 900 Cabriolet (втора генерација)
- Seat Cordoba, Skoda Felicia, Subaru Legacy лимузина и комби (Тип BD/BG, втора генерација)
- Toyota RAV4, Toyota Celica (Typ T20, шеста генерација), Toyota Camry Coupé
- Volkswagen Polo (трета генерација), Volkswagen Golf syncro (трета генерација)
- Volvo 850 T-5R (најмоќен Volvo дотогаш), Volvo 960 (моделско освежување)
