На салонот во Лос Анџелес на крајот на ноември ќе биде претставена продолжената каросериска изведба на Lexus RX. Пазарот ги сака овие изведби во коишто со мала доплата над стандардниот модел се добива екстра простор.
Најпродаваниот модел со хибриден погон на Lexus отсега станува и (трет по GX и LX) најпросторен модел на престижната марка на Toyota. На салонот во Лос Анџелес, кој започнува на 29-ти ноември, Lexus ќе го претстави RX L, како каросериска верзија со продолжено меѓуоскино растојание.
Овие моделски изведби добиваат сé поголема популарност во САД и Кина. Повеќе производители веќе нудат седумседи изведени од стандардните моделски верзии. Најголемиот поттик за трендот пристига од Кина, кадешто овие изведби уживаат огромна популарност.
Lexus RX L ќе ја задржи препознатливата линија на „пливачкиот покрив“, со којашто големиот теренец се издвојува во уличната слика. На северноамериканскиот пазар ќе бидат достапни две погонски изведби, стандардната RX 350L со 3,5-литарски V6 и хибридната RX 450hL, дополнително со два електромотора и системска моќност од 313 КС.