Дарко Јаконов
Инженерите на луксузната марка на Toyota му се вратија уште еднаш на своето ремек дело Lexus LC да ги усовршат деталите. Зафатите се направени со цел да се зајакне врската меѓу возачот и неговото возило, како и да се подобрат возните својства и управливоста. На тоа следат неколку опции за стилот и мултимедиски систем со збогатени фунции.
Близу десет килограми се скусени од тежината на таканаречената небалансирана маса, а тоа се главно компонентите од подвозјето и тркалата. Долните водилки сега се од алуминиум, вградени се цевни стабилизатори, на кои воедно им е сменет и пречникот, а за спиралните пружини се користи материјал со повисока цврстина, што овозможи да се смали нивната дебелина. Олеснети се и кованите бандажи од 21 инчи.
Соодветно следеа зафати и во приспособливите амортизери, со цел возачот подобро да го чувствува патот. Електронската контрола сега дозволува поголеми одови на предните амортизери и помеко возење. Зголемена е крутоста на задниот стабилизатор, со цел да се зголеми агилноста и да се добие полинеарно чувство при вртењето на воланот.
Нова функција на контролата на стабилноста е активниот асистент во свијоци, кој при влегување во граничното подрачје соодветно го потсопира задното тркало од внатрешната страна на свијокот, дозволувајќи поголема динамика во возењето.
Lexus LC 500h прв го доби Multistage-хибридниот погон, кој покрај менувачот CVT, дополнително користи 4-степен автоматик; За класичарите стои на располагање петлитарски V8
Сменета е и „логиката“ на 10-степениот автоматик од Lexus LC 500, особено во подрачјето што инженерите го нарекуваат активна зона и коешто се однесува на возењето со 50 до 70 проценти од моќноста на моторот. Промени претрпе и фамозниот мултистејџ-хибриден погон на LC 500h – менувачот сега префрлува во вториот, место во третиот степен, со цел да се постигне посилно забрзување на излез од свијок.
Сите моделски изведби на Lexus LC Coupé стандардно поседуваат Lexus Safety System +, кој вклучува самостојно запирање при опасност од судир со препознавање пешак, приспособлив темпомат, систем за следење лента, камера за знаци и автоматско долго светло.
Lexus LC 500h: Пристојна манифестација на безобразно
