Дарко Јаконов
Кога децата цртаат теренец, тој изгледа исто како Defender. Неговите теренски својства се легендарни, исто како долговечноста и некомфорното возење. Сега љубителите имаат уште две години време да купат нов Defender. Потоа доаѓа наследникот.
Со години се зборуваше за тоа, сега е потврдено и официјално. Land Rover ќе престане со производство на Defender во 2015 година. Инсајдер од фирмата го потврди тоа за специјализираниот вебсајт „Automotive News“. Тоа значи дека последниот модел од теренецот што обожувателите го нарекуваат „Ленди“ ќе ги напушти производствените ленти во Вест Мидлендс по 67 години.
Строгите норми за издувни гасови и заштита на пешаците го означија крајот за култниот теренец. Новиот модел ќе се разликува значително од актуелниот Defender, како во изгледот, така и во техниката. Land Rover ја прикажа студијата DC100 на салонот во Франкфурт во 2011 година.
