за

Грета Тунберг ја спаси патеката за картинг на Шуми

Грета Тунберг ја спаси патеката за картинг на Шуми
Грета Тунберг ја спаси патеката за картинг на Шуми

Прочуената патека за картинг, на којашто своевремено тренирал Михаел Шумахер во родниот Керпен, нема да падне како жртва на планот за ископ на јаглен. Заслугата за тоа ја има токму Грета Тунберг.

Голем број љубители на мотоспортот ќе станат фанови на шведската активистка за животна средина Грета Тунберг. Како што објави германскиот магазин АУТО БИЛД на својот портал, протестите што таа ги организирала придонеле за откажување на планот за отпочнување со ископ на јаглен во шумите околу гратчето Хамбах. Тунберг го посетила регионот во август лани, а како резултат на неодамна склучениот пакт, планот за рудник за јаглен се откажува.

Патеката за картинг е на рамниште на култ за љубителите на мотоспортот. Михаел Шумахер го стекнувал и усовршувал своето возачко искуство на оваа патека, што доведе Германецот да стане седумкратен светски првак во Формула 1. Неговиот татко Ролф работел како чувар на патеката, а мајката Елизабет била задолжена за готвењето.

Активистите за животна средина имаат заслуга што на најславната патека за картинг во светот и натаму ќе се создаваат возачки таленти. Таа им припаѓа на Асоцијацијата на пријатели на мотоспортот на Волфганг Граф Берге фон Трипс, на Клубот за картинг на Керпен и на Михаел Шумахер. Германскиот магазин се повикува на поранешна изјава на Шуми: „Патеката за картинг ми е како дом“. Неговиот брат Ралф исто така силно се залагаше за зачувување на патеката.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Училишни автобуси во САД возат тивко и чисто на струја

Училишни автобуси во САД возат тивко и чисто на струја

audi e-tron forum davos

Светските лидери ќе се возат во електричен Audi во Давос