за

Конструкторот на McLaren F1 развива роботско мини

gordon murray MOTIV
gordon murray MOTIV

Гордон Мареј работи паралелно на две крајности. По неодамнешната најава за новиот суперавтомобил T.50 со огромен вентилатор назад, сега следи градски едносед што управува самостојно и замислен е како решение за градскиот метеж. Погонот, секако е на струја.

Дизајнерското студио на Гордон Мареј раководи со развојот на малечок градски автомобил што управува самостојно и нуди неколку предности во споредба со сличните проекти. Возилото е наречено Motiv и ќе има премиера во вторник, на 11-ти ноември, во рамките на саемот за мобилност Move во Лондон.

Целта на овој проект што делумно е финансиран од британската влада е да се развие достапен и лесен квадрицикл, безбеден за патникот. Едноседот со електричен погон управува самостојно, а може да се користи и за достава на стока, со товарен простор од 1.100 литри. Motiv треба да ги замени големите автомобили по градските улици, во коишто обично се вози само еден човек. На тој начин ќе се смали метежот, а секако и загаденоста во градските центри. Роботското мини со должина од 2,54 метар и од висина 1,63 метар има слични пропорции со Smart, но суштинската разлика е во ширината – само 1,31 метар. Возилото поседува висока приспособливост и може да го користат и лица со инвалидска количка.

Масовното производство на Move би можело да стартува веќе за две години

Конзорциумот што го предводи дизајнерското студио на Гордон Мареј понатаму ќе соработува со партнери, што ќе помогнат возилото да се тестира во секојдневието и побрзо да ја достигне фазата за сериско производство. Тоа би можело да се случи за најмалку две, а најмногу пет години.

New photo by Automedia MK / Google Photos

Електромоторот располага со моќност од 20 киловати (27 КС) и се напојува од батерија од 17,3 kWh, што е доволно за досег од сто километри. Крајната брзина е 65 km/h, што сосем одговара за примената во град. При користење брз полнач, батерија испразнета до 20% се полни до 80% за околу 40 минути.

Печат од конструкторот на F1: Вратата на роботскиот автомобил се отвора нагоре

Предноста на Motiv е во градбата на каросериската школка, според принципот што дизајнерското студио на Гордон Мареј го има патентирано како iStream. Школката е изработена од алуминиум, вратите и капаците се од композити, а делови од подвозјето исто така се од алуминиум. Резултатот: 450 килограми, без батерија. Ниската тежина на возилото секако дека ја намалува и потрошувачката на струја, така што и капацитетот (и тежината) на батеријата се смалува.

New photo by Automedia MK / Google Photos

Технички податоци

Gordon Murray Automotive – MOTIV
ПЕРФОРМАНСИ

0-100 km/h за 5 секунди

Крајна брзина 65 km/h

ДИМЕНЗИИ

Должина 2,537mm

Ширина 1,310mm

Висина 1,628mm

Тежина <450kg (без батерија)

КАРОСЕРИЈА

Школка iStream Superlight

Исполнува безбедносна норма за возила од категорија M1

Погон назад

Врата со горно отворање, за едноставно влегување и потреба од помалку простор

Автоматско отворање на вратата

КОНЦЕПТ

Квадрицикл од категорија L7e, безбеден на краш-тест според M1

Едносед

Подготвено за вградување техника за автономно возење

ПОГОН / БАТЕРИЈА

Досег 100km (WLTP)

Употреба без прекин 5 часови

Електромотор 20kW

Номинален напон 361V

Вртежен момент 4 Nm

Батерија поставена под подот

Капацитет на батерија 3kWh (вкупно); 13.8KWh (искористлива)

Време на полнење 40 минути (CCS, 20% – 80%)

ПОДВОЗЈЕ

Водење на предните тркала мекферсон

Водење на задните тркала iLink

Бандажи од 13 инчи

Напред диск сопирачки

Назад сопирачки со регенеративно дејство

ОПРЕМА ВО КАБИНА

Клима уред

Вграден дисплеј од 24 инчи

Од традиционалниот домен на Мареј, T.50 како идеен наследник на F1

View this post on Instagram

Gordon Murray Automotive partners with Racing Point Formula One team to ensure T.50 supercar has most advanced aerodynamics ever · Collaboration with @racingpointf1 Team will facilitate access to state-of-the-art wind tunnel and the pinnacle of motorsport expertise · First official T.50 image reveals purity and drama · Murray shares details of ground-effect ‘fan car’ innovation that rewrites the rulebook for road-car aerodynamics · Six aero modes enable driver to optimise dynamic and outright performance · Vmax Mode and ram induction boost T.50 output to 700hp #t50supercar #supercars #t50 #gordonmurray #gordonmurraydesign #gordonmurrayautomotive #v12 #cosworth #hypercars #fancar #sportscar #aerodynamics #teaser #fan #aero #dynamic #design #innovation #groundeffect #centraldrivingposition #britishdesign #engineering

A post shared by 𝗚𝗼𝗿𝗱𝗼𝗻 𝗠𝘂𝗿𝗿𝗮𝘆 Automotive (@gordonmurrayautomotive) on

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

audi a3 2020

Новиот Audi A3 ќе биде „вулкан“ меѓу компактите

Mini Cooper SE

Електричното Mini во Германија од 32.500 евра, минус субвенција