Шефот на Fiat Chrysler почина. Серџо Маркијоне постигна чудо за италијанскиот производител, вети дека ќе го ослободи Fiat од долгови и го оствари ветувањето кусо пред да замине
Серџо Маркијоне почина. Fiat го соопшти тоа, а веста за смртта на топ-менаџерот веднаш потоа ја објавија и Кориере дела Сера, Ла Република и останатите италијански медиуми.
По операцијата на рамо во почетокот на јули се случиле неочекувани компликации. Концернот Fiat Chrysler во саботата објави официјално дека здравствената состојба на долгогодишниот генерален директор се влошила значително.
Маркијоне три недели се наоѓаше на Универзитетската клиника во Цирих, кадешто му беше извршена операција на рамото. Зафатот бил извршен поради отстранување на канцерогено ткиво.
Според италијанскиот економски портал Летера, Макијоне доживеал срцев удар за време на оперативниот зафат и потоа западнал во кома.
Маркијоне беше визионер, но и преговарач со цврст став, особено во поглед на барањата на синдикатите, како и на случувањата во формула 1. Неговите маркантни коментари ќе се цитираат уште долго време.