Ferrari Roma го следи елегантниот стил на моделите од марката од 1960-те години и се повикува на Ла Долче Вита, на умешноста од тоа време да се ужива во секој момент од животот. Во поглед на технологијата нема отстапки, Roma е Ferrari до последната завртка.
Маранело има нов модел, чиешто име сосем веројатно не е заштитено, затоа што и нема потреба од тоа. Ferrari е единствената марка што е достојна свој модел да именува според вечниот град, Рим. Суштината на Ferrari Roma е во спојот на елегантен изглед со моќ и техничка перфекција. Италијанците при развојот на моделот се раководеле според типичниот животен пристап во 1950-те и 1960-те години во Вечниот Град, според долче вита.
Стилот се повикува на 250 GT Berlinetta lusso и 250 GT 2+2, на легендарните GT-крстосувачи со мотор зад предната оска, внесувајќи модерна нишка. Врвните перформанси ги обезбедуваат неколку посебни технологии, меѓу кои подвижен заден спојлер, што е составен дел од задниот капак и не ја нарушува линијата на автомобилот кога е вовлечен.
https://photos.app.goo.gl/pCef1phH8hBQFuvu5
Моторот на новиот модел што Италијанците го водат како 2+ купе е V8 со турбонатполнење, со 620 КС при 7.500 вртежи. Нормално, тоа е врв во сегментот. Како верзија на моторот што четврта година ја освојува титулата на светски мотор, посебност му е варијабилната контрола на натполнењето, со цел моторот да реагира без доцнење, без турбо-дупка. Бидејќи денес и бензинците мора да поседуваат филтер за честички гареж, кој важи како убиец на добриот звук, многу се работело и на издувниот систем, со замена на придушувачките лонци со бајпас-вентили.
Погонската спрега е дотерана да обезбедува и комфорно возење во градското секојдневие
Новиот 8-степен менувач со двојна спојка е покомпактен и полесен е 6 килограми од претходникот со седум степени, а воедно и промените на степен се покуси и помеки. Согласно карактерот на Roma, менувачот прави возењето во град, со често запирање и поаѓање, да биде покомфорно и порелаксирано.
https://photos.app.goo.gl/GCL1ERzVASjVzWAFA
Подвозјето се базира на модуларната платформа што е заедничка за сите актуелни модели на Ferrari, но секако дека заедничките компоненти тука се застапени во многу помал обем отколку кај големосериските марки. Повеќе од 70% од компонентите се посебни за Roma. За возните своојства и перформансите говори тоа што со 2,37 килограми на КС, овој Ferrari со мотор зад предната оска има најдобар сооднос во својата класа. Контролата на динамичните возни својства е работа на фамозниот Side Slip Control 6.0 (првпат во GT-модел на Ferrari) со 5-позиции на „manettino“.
https://photos.app.goo.gl/RPTx7Mhb6pKXihDc8
Исто како што стилот на каросеријата следи минималистички пристап, при што дури и маската е сведена на минимум, така и внатрешноста е сведена на елеганцијата на едноставноста. Возачкото место и совозачкото место се изведени како две независни целини, по принципот на дуал-кокпит. Воланот исто така има комплетно нов дизајн, според принципот „очите на патот, рацете на воланот“. Дисплеј од 16 инчи ги заменува класичните инструменти, во средишната конзола се наоѓа вториот дисплеј, а има и посебен дисплеј за совозачот.
https://photos.app.goo.gl/HiPbKyKvUCjWeJzSA
Елеганцијата на Ferrari Roma се заокружува на вистинскиот начин, со клуч со „комфорен пристап“, кој овозможува вратата да се отвори само со допирање на копчето покрај впуштената рачка. Има и матрични диодни светла, но и системи за асистенција, кои се вградуваат по желба – вклучувајќи и радарски темпомат, кој забавува кога напред има побавно возило. Оваа опција веројатно нема да биде толку популарна кај идните возачи на Ferrari Roma.
Ferrari Roma · Технички податоци
МОТОР
Тип V8 – 90° турбо
Работна зафатнина 3855 cc
Пречник и Од 86.5 mm x 82 mm
Моќност 456 kW (620 КС) при 5750 – 7500/min
Вртежен момент 760 Nm при 3000 – 5750/min
Компресија 9.45:1
ДИМЕНЗИИ И ТЕЖИНИ
Должина 4656 mm
Ширина 1974 mm
Висина 1301 mm
Меѓуоскино растојоание 2670 mm
Ширина на трага напред / назад 1652 / 1679 mm
Празно возило 1570 kg
Сува тежина 1472 kg
Сооднос тежина/моќност 2.37 kg/cv
Багажник 272 литри/ 345 литри
Резервоар 80 L
ГУМИ И БАНДАЖИ
Напред 245/35 ZR20; 8J x 20”
Назад 285/35 ZR20; 10J x 20”
СОПИРАЧКИ
Напред 390 mm x 34 mm
Назад 360 mm x 32 mm
ПРЕНОС
8-степен F1 менувач со двојна спојка
Електронски контроли EPS, VDC, ABS со EBD, F1-TCS, E-Diff3, SSC 6.0, FDE, SCM-E Frs
ПЕРФОРМАНСИ
0-100 km/h 3.4 s
0-200 km/h 9.3 s
Крајна брзина > 320 km/h
https://www.instagram.com/p/B5A7NxRBmCJ/
https://www.instagram.com/p/B0VmeCSJvGi/
https://www.instagram.com/p/BxeGFXSI7U_/
Новиот модел на Ferrari на прием кај Претседателот на Италија
