Откако целото производство на автомобили во Европа беше ставено во мирување во рок од само неколку денови, сега следи истиот чекор и во САД. General Motors и Ford ги запреа производствените ленти во своите фабрики.
Најголемите американски производители на автомобили General Motors и Ford се спогодија со синдикатот на автомобилските работници за привремено запирање на производството во Северна Америка, поради кризата околу вирусот корона. За шефицата на GM, Мери Бара, сигурноста на вработените е најважна.
Производствените ленти во САД, Канада и Мексико првично ќе мируваат до 30-ти март. Според објавите на американските медиумим, третиот по големина производител на автомобили Fiat Chrysler исто така ќе го запре производството.
Detroit's Big 3 car-makers — Ford, General Motors and Fiat Chrysler — have agreed to shut down all their factories, sources say https://t.co/J7mEKjuuFL
— Chicago Tribune (@chicagotribune) March 18, 2020
Претседателот на синдикатот на работниците во автомобилската индустрија во Северна Америка, Рори Гембл, го оцени чекорот на концерните како „мудро решение“. Со прекинувањето на работата се заштитуваат членовите на синдикатот, нивните семејства и заедницата, соопшти Гембл. Синдикатот во последните неколку денови вршеше силен притисок врз производителите, за производството да запре заради сигурност на вработените.
Јапонскиот производител Honda синоќа исто така објави дека ќе го запре производството во своите фабрики во САД, Канада и Мексико до 23-ти март. Мерката опфаќа околу 27.600 вработени лица во компанијата.
