По повод Меѓународниот ден против расизмот, групацијата BMW апелира за поголема толеранција и заедништво. Посветениот филм покажува дека разновидноста и различните гледишта може да бидат од решавачко значење при наоѓањето на најдобрите решенија.
Во групацијата BMW се ангажирани работнички и работници од повеќе од 120 нации од целиот свет. Тие доаѓаат од различни култури, имаат различни религиозни убедувања и гледишта на светот. Сите тие се здружени во тимови по целата планета и заеднички развиваат идеи и решенија за одржлива мобилност во иднината.
Компанијата цени дека познавањето на различните јазици и култури во рамките на групацијата е неизоставен фактор во конкурентската битка за освојување нови пазари, како и за привлекување клиенти и квалификувана работна сила. Според Илка Хорстмајер, директорка на кадровската служба во BMW AG, „разновидноста е основата на нашиот успех. Работна средина без предрасуди и меѓусебно почитување се важни предуслови за тоа.“
BMW се залага за толеранција, отвореност и разновидност и надвор од сопствените редови. Компанијата во 2011 година стапи во партнерство со Алијансата на цивилизациите на Обединетите Нации, коешто се залага за повеќе дијалог во меѓународни рамки и за меѓукултурно разбирање.
Во рамките на оваа соработка, иновативните проекти се одликуваат со Награда за меѓукулктурна иновација. Целта е локалните иницијативи да се претстават на интернационално ниво, за тие да дадат придонес за добросостојба и толеранција во заедницата. Преку иницијативите што се одликувани од страна на BMW и ОН, досега им е обезбедена поддршка на 3,6 милиони лица во 112 држави.
Филмот што ги прикажува ставовите на групацијата BMW по повод Меѓународниот ден против расизмот:
Dare to be open-minded! We’re promoting a working environment of #multicultural #harmony, free from prejudice. #BMWGroup @UN #fightracism #iderd #diversity pic.twitter.com/1H3clKft69
— BMW Group (@BMWGroup) March 21, 2020
