за

Три милиони продадени возила на Dacia

Од повторното лансирање под закрила на Renault, романската марка продаде три милиони возила во Европа и во регионот на Медитеранот. Продажбата во првото полугодие порасна за 24 проценти.

Откако беше лансирана како член на групацијата Renault пред десет години, марката Dacia веќе достигна продажба од три милиони возила, само во Европа и во земјите од Медитеранот. Порастот на продажбата од 24,4 проценти во првите шест месеци од годинава се далеку над просекот на браншата, а уште подобри резултати се постигнуваат на европскиот пазар, кадешто Dacia забележа раст од дури 36,2 проценти. Клучевите од тримилионитиот автомобил од премиерно прикажаниот модел Dacia Sandero Stepway, беа предадени на Шпанецот Андрес Паломо Паз во рамките на парискиот салон што се одржува до недела.

Dacia продолжува да го проширува своето присуство на пазарот, со Израел како следен нов пазар, откако во 2013 година марката беше успешно лансирана во Велика Британија, Ирска, Данска, Норвешка, Кипар и Малта.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Луксузен телефон Vertu за возачите на Bentley

Новиот Passat самостојно паркира во рикверц – со приколка!