Водителската ѕвезда од поранешниот Тип Гир, Ричард Хамонд, беше пренесен во болница со хеликоптер откако со спектакуларна брзина излета од патот за време на снимањето на новата сезона на автошоуто „Гранд Тур“. Само неколку секунди ја решаваа судбината. Електричниот Rimac се запали веднаш по незгодата.
Ричард Хамонд, дел од славното водителско трио од некогашниот „Топ Гир“, за влакно избегна сериозни повреди по излетувањето со електричниот суперавтомобил Rimac. Сегашниот водител на „Гранд Тур“ возеше со фантастична брзина по патеката за ридската трка Хемберг во Швајцарија, кога одненадеж изгуби контрола над возилото со моќност од над 1.200 КС и излета од патот.
Хамонд бил свесен и разговорлив по незгодата и сам излегол од Rimac Concept One, неколку секунди пред уникатниот автомобил од хрватско производство да експлодира. Славниот водител се здоби со повреди на коленото и беше пренесен во болница со хеликоптер.
Video from @richardhammond direct from his hospital bed: https://t.co/lAHxpFnQTP
— The Grand Tour (@thegrandtour) June 11, 2017
„Најголема и најзастрашувачка незгода“ што ја има видено Џереми Кларксон
Неговите колеги Џереми Кларксон и Џејмс Меј ја опишуваат незгодата како „експлозија на бомба“. Кларксон коментираше дека тоа е најголемата и најзастрашувачка автомобилска незгода што ја има видено.
It was the biggest crash I've ever seen and the most frightening but incredibly, and thankfully, Richard seems to be mostly OK.
— Jeremy Clarkson (@JeremyClarkson) June 10, 2017
„Хамстер“ на својот блог објави видео во коешто ги поздравува фановите и им се извинува на сопругата и децата. Ова не е првпат водителската ѕвезда да се најде во животна опасност за време на снимањето на шоуто со милионска публика. Во 2006 година тој се најде две недели ставен во вештачка кома откако излета со автомобил со млазен погон при брзина од над 460 километри на час. Во март годинава Хамонд доживеа уште една незгода, кога мотоциклот што го возеше буквално го исфрли за време на снимањето на епизодата за Гранд Тур во Мозамбик.
"I've checked and i'm not dead" https://t.co/5qejFDuPCP via @drivetribes
— Richard Hammond (@RichardHammond) March 20, 2017
На Ричард Хамонд му посакуваме целосно закрепнување и уште многу епизоди со милионска гледаност.
Ричард Хамонд фотографиран покрај Rimac Concept 1 пред незгодата
https://www.instagram.com/p/BVKn9d3hKcz/?tagged=richardhammond
https://www.instagram.com/p/BVKoG46lmSA/?tagged=richardhammond
https://www.instagram.com/p/BVMpmeRjArO/?tagged=richardhammond