Дарко Јаконов
Во оваа старосна категорија станува интересно за купувачите што умеат да препознаат добар користен автомобил. Остануваат уште многу години за возење, цената е преполовена во споредба со ново возило. Некои модели не можат да задржат ниту половина од цената, а причината за тоа може да се открие на крајот на табелата. Извештај на ТУВ за возила меѓу 4 и 5 години.
Мудрите купувачи на користен автомобил избираат во оваа старосна категорија. Можеби тоа нема да биде најголемиот автомобил за парите, но во секој случај постои извесна сигурност дека техничката состојба на возилото ќе се задржи барем во следните неколку години. Останува простор и за повторна продажба на возилото, со неговото одржување се одржува и инвестицијата.
Познати модели и марки се појавуваат на врвот на табелата. Шампионот B-Class котираше високо и во помладата категорија на возила меѓу 2 и 3 години, заедно со плејбојскиот Mercedes SLK или GLK. Кај Mazda има смена на најдобро пласираниот модел на марката. Компактниот теренец CX-5 е на третото место, додека Mazda 2 следи на 16-то место.
Премиум марките тука се докажуваат со квалитетот и издржливоста, нивните возила во ова годиште практично се нови. Се менуваат наизменично Mercedes, Audi, Mercedes… Најдобро пласираниот модел на BMW и натаму е X1 на 17-то место, додека серијата 5 и теренските X5 / X6 повторно остануваат поблиску до опашот, отколку до главата.
Тоа што е добро за триото Citigo / Mii / Up е лошо за вановите Alhambra и Sharan
Кога основата е добра, сите автомобили на истата основа ќе бидат добри. Тоа се однесува на градското трио Skoda Citigo / Seat Mii / Volkswagen Up, кои се наоѓаат во „најзелената“, но најзрела група во поглед на општиот квалитет. Toyota повторно одржува стандард во издржливоста и во оваа старосна категорија, без разлика дали станува збор за градскиот Yaris или за лимузинскиот Avensis.
Тоа што е добро за Citigo, Mii и Up, дотолку е полошо за Seat Alhambra и Volkswagen Sharan. Двата модела ја делат платформата, но ги делат и слабостите, вклучувајќи ги последните места во табелата. Корејската двојка Hyundai i30 и Kia Ceed докажува дека квалитетот на возилата не е случајност. Обата модела се блиску и само на чекор од најлошата група. Седумгодишната гаранција, инаку, трае.
Peugeot 206 го дели последното место со Dacia Logan. На секои десет примероци, два имаат дефект што влијае врз безбедноста во возењето. Притоа, сопствениците на Dacia Logan во просек возеле по 30.000 километри повеќе отколку возачите на францускиот модел, кој стана и историски најпродаван модел на марката.
И, резултатите:
Извештај на ТУВ за возила во старосна категорија меѓу 4 и 5 години
[tie_slideshow]
[tie_slide]
[/tie_slide]
[tie_slide]
[/tie_slide]
[tie_slide]
[/tie_slide]
[tie_slide]
[/tie_slide]
[tie_slide]
[/tie_slide]
[/tie_slideshow]
