Четири модели од концернот Volkswagen победија во шесте категории на Златен Волан. Победи и Opel Ampera-e, автомобилот што PSA не сака да го продава. Интересни се второпласираните модели: Toyota C-HR, Range Rover Velar, Kia Stinger, Honda NSX
По 42-ри пат, редакциите на Auto Bild и Bild am Sonntag ја доделуваа наградата Златен Волан. На свеченоста во Берлин се прогласуваа победниците во шест категории. Воланот годинава им се позлати на Volkswagen Arteon, Audi Q5, Porsche Panamera ST и Skoda Karoq – сите модели од концернот Volkswagen – како и на електричниот автомобил Opel Ampera-e и на Aston Martin DB11. Почесен волан му беше доделен на Хакан Самуелсон, шеф на групацијата Volvo.
Покрај тоа што во изборот традиционално доминираат моделите од марките на концернот Volkswagen, годинава е необично и тоа што победник во категоријата на градски автомобили е Opel Ampera-e. Францускиот концерн PSA, по преземањето на марката Opel, практично ја прекина продажбата на електричниот автомобил, поради малата заработка. Ampera-e се произведува во САД, како близнак на Chevrolet Volt.
Комплетно поинаква слика се добива ќе се погледнат моделите на вторите места: Toyota C-HR, Range Rover Velar, Kia Stinger, Honda NSX
Околу победниците решава големо жири од експерти, тркачи, автомобилски новинари од издавачката куќа Шпрингер и јавни личности. За 20-те финалисти гласаат читателите на медиумските изданија во рамките на изборот.
Најдобрите три модели во одделните категории на годинешниот Златен Волан
Градски автомобили
- Opel Ampera-e
- Volkswagen Polo
- Ford Fiesta
Малечки кросовери
- Skoda Karoq
- Toyota C-HR
- Mitsubishi Eclipse Cross
Големи кросовери
- Audi Q5
- Range Rover Velar
- Alfa Romeo Stelvio
Средна и виша класа
- Volkswagen Arteon
- Kia Stinger
- BMW серија 5er
Спортски автомобили
- Porsche Panamera ST
- Honda NSX
- Aston Martin DB11
Најубав автомобил
- Aston Martin DB11
- Lamborghini Huràcan
- Kia Stinger
