Европскиот пазар на електрични автомобили забележа раст од 51 проценти во минатиот месец, со 277.006 возила, покажуваат првичните податоци што се однесуваат на пристигнати податоци од 98 проценти од пазарот.
Шкода Елрок беше најпродаван електричен модел во јули, со 10.015 возила и раст од 15 проценти во споредба со лани. Веднаш по него следи уште еден модел од концернот, Фолксваген ИД.4, со продадени 8.519 возила и раст од 34 проценти, а потоа доаѓа Рено 5 Е-Тек, со 8.334 возила, што одговара на раст од 49 проценти.
Тесла Модел Уај, што беше најпродаван електричен модел и воопшто најпродаван автомобил во Европа во јуни, испадна од водечката 10-ка, со 5.094 возила и пад од 3,8 проценти.
Паѓањето на Модел Уај остави простор за соперниците да се искачат на списокот на најпродавани модели. Шкода Енијак се проби на 4-то место со 6.811 возила, едно место подолу следи Фолксваген ИД.7 со 6.378, а потоа и Фолксваген ИД.3 на шестото место, со 5.839 возила.
Големоволуменските марки накачија 57 проценти со продадени 202.284 возила, додека кај премиум ЕВ, продажбата достигна 74.722, што е раст од 38 проценти. За податоците да бидат комплетни, недостигаат уште продажбите од Португалија и Хрватска.
Кај ЕВ од премиум марки е прв БМВ и Икс 1 со 7.253 возила и раст од 14 проценти. Со помалку од илјада возила разлика следи новиот БМВ и Икс 3, со 6.786 возила, наспроти 160 возила лани, кога стартуваше моделот.
Високо се држи и Мерцедес-Бенц ЦЛА со 6.520 возила, наспроти 113 лани.
По седум месеци, Модел Уај останува најпродаван ЕВ во Европа, со 115.759 возила и раст од 55 проценти. Втора е Шкода Елрок со 67.679 возила и продажба зголемена за 59 проценти, трет е Тесла Модел 3 со 57.086 возила и раст од 31 проценти.
Кинеските модели зафаќаат речиси половина од Топ 10-продажбата на приклучни хибриди
На пазарот на приклучни хибриди (ПХЕВ) предводи БИД Сил Ју со 9.286 возила и продажба зголемена за 61 проценти, за второто место исто така да го држи модел на Кинезите, БИД Ато 2 со 6.178 возила.
Џејку 7 е четврти со 4.224 продажби и раст од 65 проценти, додека Џили Стареј првпат се појавува на листата со 3.014 возила, на 6-то место меѓу најпродаваните ПХЕВ-модели од големоволуменски марки.
На кинеските модели отпаѓаат четири од 10-те најпродавани модели со овој вид погон во јули.
Од Европејците, прв е Фолксваген Тигуан, на 3-то место со 4.884 возила и пад од 18 проценти.
Тигуан претходно беше најпродаван ПХЕВ во Европа, но ја загуби трката со кинеските соперници, коишто го напаѓаат компактниот СУВ со дисконтни цени. Сил Ју ПХЕВ во Германија чини 39.990 евра, што со владините субвенции и со дисконтот од производителот паѓа на 29.990 евра. Наспроти тоа, Тигуан ПХЕВ чини 48.655 евра.
Поради оваа ценовна разлика, извршниот директор на концернот Фолксваген, Оливер Блуме, побара Европската Унија да воведе повисоки царини за кинеските ПХЕВ. „Немаме време за губење“, изјави Блуме пред аналитичарите додека ги соопштуваше деловните резултати за првото полугодие на 24-ти јули. Блуме побара пратениците на ЕУ да воведат закони со коишто „европскиот автомобилски пазар ќе се донесе на споредливо рамниште“.
Дачиа Сандеро повторно е најпродаван автомобил во Европа, Тесла се загуби на 73-то место
Вкупната продажба на ПХЕВ во јули порасна за 15 проценти, на 125.530 возила. Кинеските производители држат 34 проценти од овој пазар. Растот го донесоа големоволуменските модели, чијашто продажба порасна 31 проценти, на 83.720 возила. Наспроти тоа, ПХЕВ од премиум марките ја зголемија продажбата за 6,5 проценти и достигнаа 41.810 возила. БМВ, Волво и Мерцедес-Бенц исто така се соочија со тешкотии да привлечат купувачи, коишто кинеските соперници ги мамат со пониски цени за своите големоволуменски модели.
Во првите седум месеци, БИД Сил Ју остана најпродаван ПХЕВ во Европа со 54.011 возила и раст од 55 проценти. Втор е БИД Ато 2 со 37.728 возила, по што следи Џејку 7 со 34.125 возила, што одговара на раст од 173 проценти.
