Новата маска што ја донесува ГЛЦ јасно влече линии од традиционалната маска на Мерцедес-Бенц, но приспособена е да се совпаѓа повеќе со дизајнот на идните модели на штутгартскиот производител.
Мерцедес-Бенц ГЛЦ со технологија Е Ку – како што во иднина ќе се означуваат електричните модели на марката, место Е Ку Ц досега – е прв сериски модел со новата маска. Во формата многумина ќе ја препознаат масивната маска на генерацијата 126, односно на С-класата од 1970-те години. Основата на новиот дизајн е ослободување од вишок детали, чисти линии и многу технологија.
Премиерата на Мерцедес-Бенц ГЛЦ со технологија Е Ку ќе биде на 7-ми септември, на салонот ИАА што веќе извезно време се одржува во Минхен, место во Франкфурт.
Хромираната маска подолго од 100 години е главното обележје на речиси секој модел на Мерцедес-Бенц и таа постојано се менуваше низ годините. Првите автомобили имаа исправена маска, за потоа да се премине на хоризонтална маска.
Историското портфолио ги издвојува легендарните Мерцедес-Бенц 600 Пулман (В 100, 1963–1981), „Штрих 8“ (В 114, 1968–1973), како и генерациите на С-Класата В 108 (1965–1972) и В 111 (1959–1968), како модели што најверно ги покажуваа промените во изгледот на маската.
Хромираната маска е највидливо отелотворение на генот на Мерцедес-Бенц. Тоа значи дека кога ќе се види оваа маска, несомнено е од која марка доаѓа автомобилот.
Кај електричниот ГЛЦ е сменет изгледот, но и функцијата на маската. Додека кај моделите со мотор со внатрешно согорување, маската има важна функција да донесува воздух до моторот, тука електромоторот и целиот погон на струја немаат потреба од воздух, па затоа и маската е изведена на посебен начин.
Секако дека голема промена е тоа што маската на ГЛЦ со технологија Е Ку ќе биде осветлена ефектно. Маската се состои од три главни елементи: Широка хромирана рамка, решетката структура од замаглено стакло и осветлени контури. Како опција ќе биде достапна и целосно осветлена изведба, со вкупно 942 точки со заднинско осветлување. Постои и можност за точките да изведат анимација. Тука дополнително се осветлени ѕвездата и целата контура околу маската.
