Opel ја заокружува годината со 27 награди за своите модели

Opel повторно продава како во најдобрите времиња, но освојува и титули. Моделите на германската марка постигнуваа победа во сите категории, меѓу електричните возила, меѓу концепите што се повикуваат на историски модели, а ниту дизајнерот Марк Адамс не мина без вредно одликување.

Шефот на марката Opel, Уве Хохгешурц, годинава многупати имаше убави поводи да ѝ се обраќа на јавноста. За заокружување на годината, водечкиот менаџер во Риселсхајм коментира за сите освоени награди: „Горди сме на сите овие одликвуања. Тие се потврда за заложбата и за жешката крв, со коишто се работи во Opel. Без разлика дали тоа се дизајнерите, инженерите, продавачите или нашите колеги во фабриките – сите тие пуштија фантастични автомобили по патиштата. Нив им искажувам посебна благодарност.“

Уште во самиот почеток на годината беше освоена титулата за Светски ван на 2021 година, со електричниот Opel Vivaro-e. Тоа беше најава за буквалното преплавување со награди за бестселерот во делот на пазарот за возила со електричен погон. Посебно реагираше британскиот пазар, кадешто Vivaro-e беше наградуван повеќепати. Во европски рамки се издвојува ванот со повишен покрив Combo Cargo, кој е достапен во изведба со мотор со внатрешно согорување, но и како електричен ван, Combo-e Cargo.

Пролетоска стартуваше и новата Opel Mokka, со храбар, јасен и несекојдневен настап. Eлектричната изведба Mokka-e неодамна ја понесе важната титула на „Златен волан 2021“. Компактниот СУВ привлекува и со технологиите, но и со дизајнот. Влијателнот британски магазин Top Gear го одликуваше моделот со „Design of the Year“. За прогресивниот настап секако дека најзаслужен е главниот дизајнер Марк Адамс, кому индустрискиот гласник Automotive News Europe му ја додели титулата на „Eurostar 2021“.

Избор од најзначајните титули на Opel во 2021 година

Го имате посетено нашиот онлајн-каталог https://avtosalon.mk/ со податоци и цени за сите нови модели на автомобили на македонскиот пазар? На следниот линк можете директно да пристапите до прегледот на сите модели на Opel.