Продажбата на камп-возила и приколки во Германија продолжува да ниже рекорди, особено во време кога се избегнува преголемо социјализирање во хотели и ресорти, и одново се открива убавината на кампувањето. До јули годинава, во земјата се продадени за 6,2 проценти повеќе возила и приколки во споредба со лани.
Токму поради огромната побарувачка се појавуваат проблеми во поглед на роковите на испорака, а дополнителни потешкотии доаѓаат и од нередовното снабдување со суровини за изработка на палстичните делови, како и од недостигот на возила како основа за надградба. Клиентите што нема да најдат возило по своја мера на плацевите на производителите на возила и приколки за кампување, ќе мораат да чекаат и подолго од дванаесет месеци додека пристигне нивното возило по нарачка.
Пазарот моментно бара помали и покомпактни возила. Повеќе од половина од продажбата отпаѓа на фургони од типот на Fiat Ducato, како и на микрокампери од типот на новиот Mercedes-Benz Citan Vanessa, коишто главно се доопремени и преработени во возила за кампување.
Bimobil EX 600
https://photos.app.goo.gl/xJWcfup1QLUHfZin8
Тоа се чувствува на салонот, преку огромниот број на компании што ги нудат своите преработки од овој вид. Еден од позначајните производители од оваа група е Eura Mobil, кој својата варијанта на Fiat Ducato ја нуди во ценовната рамка до 50.000 евра, што се смета како средно ниво на цени во браншата. Друг познат производител е Alphavan, кој работи со Mercedes Sprinter и го нуди истиот и во верзија со погон на сите тркала. Но, затоа и цената на целосно опремено возило за кампвуање изнесува 196.000 евра.
Како основа најчесто се користи Fiat Ducato, кој е поевтин и претставува база за повеќе од една третина од сите произведени возила за кампување. Malibu го користи Fiat за новиот ван Diversity, a Mobilvetta изведува од него цела серија под името Admiral. Браншата често го користи и Ford Transit. Тој служи како база за новиот Karmann Mobil Duncan, што располага со подигнувачки покрив и со место за четири лица. Иако располага со кујнски блок и со греење, тој е значително поевтин од VW Evergreen California. Тој повторно има помал брат, Caddy California, но во него не се вградува ниту ладилник, ниту систем за снабдување со вода и струја.
VW Caddy California
https://photos.app.goo.gl/z73SSheo6EYMbLwS7
Во највисоките ценовни сегменти се постигнуваат вистински спектакли. Morelo јка нуди новата алковен-верзија на Palace по цена од преку 200.000 евра, додека Concorde за својот луксузен Liner 1090 GIO, кој располага и со гаража, без проблем надминува 400.000 евра. Новакот во браншата, унгарскиот Dembell, им парира на поранешните ценовни шампиони Volkner и Vario со суми од преку еден милион евра.
Посебно изненадува тоа што се бележи голем раст и во луксузниот сегмент. Morelo годинава ќе испорача повеќе од 500 луксузни бус-кампери. Моментно се прошируваат производствените хали во германското гратче Шлиселфелд, затоа што производителот очекува в година да испорача повеќе од 1.000 возила.
Mercedes Citan Vanessa
https://photos.app.goo.gl/q8xKUv6XcjqWdFLZ6
Драстично е намалена понудата на приколку за кампување. Минималистички приколки од типот на Hobby Beachy нудат комфор како на лежалка на плажа и одговараат и за помал буџет. Новата серија Estate на шведскиот производител Kabe оди во чиста спротивност и почнува од 50.000 евра. За таа цена се добива комплетна опрема и гарантирана скандинавска погодност за кампување во зимски услови.
Некои производители не се радуваат посебно од фактот што претстои масовна електрификација и во сегментот на возила за кампување. Mercedes од следната година ќе го нуди новиот Citan и во верзија со погон само на струја. Knaus прикажа прототип на електрично возило за кампување, коешто има батерија со досег за 90 километри, а реално располага со ванкел мотор што работи како генератор и во тој случај може да се постигне досег до 600 километри. Салонот трае до 5-ти септември.
Sprinter Alphavan
https://photos.app.goo.gl/Kwo2WT6uGMPUpUQn6
Eura Mobil 635 EB
https://photos.app.goo.gl/ang8DN8qfnNnmcBA9
Kabe Royal 560 XL
https://photos.app.goo.gl/U5K5A1F5PZKL4EpY6
Hobby Beachy3
https://photos.app.goo.gl/6CT3D7MWVsfpxFMr5
Concorde Liner 1090 GIO
https://photos.app.goo.gl/f2A4yv6kuzHjsdidA
Tischer Trail
https://photos.app.goo.gl/ijmDeKh2sgrViFip9
Morelo Palace 88G
https://photos.app.goo.gl/HsqLAzQEtMp3y2rw9
Mobilvetta Admiral
https://photos.app.goo.gl/zLSCLfKetC9tim5Q9
Vanessa
https://photos.app.goo.gl/Z7uQ3rLuJjZqaQ8N8
