Центарот на BMW во Минхен беше затворен за посетители во неделата. Причина за тоа беа дванаесетте пилоти кои се натпреваруваа со своите дронови брзи над 100 km/h во самиот објект
Вратите на центарот на BMW во Минхен останаа затворени за посетителите во неделата. Дванаесет пилоти учествуваа во трка со дронови во полуфиналето на DRL-лигата. Малечките летала брзи и преку 100 километри на час пролетуваа покрај изложените автомобили во џиновскиот и повеќефункционален објект којшто се вбројува меѓу највпечатливите архитектонски дела воопшто.
Објект што со право се нарекува BMW Welt, Светот на BMW
Повеќе од 3.000 посетители пристигнаа во BMW Welt за да го следат спортскиот спектакл во живо. Победникот на трката ќе учествува во финалето на светскиот шампионат во трки со дронови DRL против победниците од претходните трки, коешто ќе се одржи во Саудиска Арабија.
BMW од третава сезона е официјален партнер на лигата со дронови DRL, којашто е една од најголемите тркачки серии во футуристичкиот спорт, со растечки интерес меѓу натпреварувачите и меѓу публиката. Прекалени FPV (First Person View) пилоти ги управуваат лично изработените дронови по мошне сложени рути низ просторот.
