Беше само прашање на време. На салонот за мотоцикли во Милано, Vespa ја претстави електричната верзија на легендата на две тркала. Спојот на традиција и електричен погон му обезбедува одлични стартни позиции на електроскутерот.
Со континуирана моќност од 2,7 КС, електричната веспа го постигнува истото ниво како стандардната изведба со мотор од 50 сантиметри кубни. Но, максималната моќност е двапати повисока и ветува многу подобри возни перформанси.
Производителот декларира 100 километри возење на Vespa Elettrica со едно полнење. За батеријата да се наполни повторно до крај, потребни се четири часови при користење обичен приклучок за струја. Дополнително ќе се понуди и хибридна изведба со екстра генератор, со што досегот ќе се зголеми двојно.
Меѓу можностите на електричната веспа спаѓа и поврзување со паметен телефон. Продажбата ќе стартува в година, нарачките на поголемите пазари може да се направат и онлајн. Цените уште не се објавени, се спомнува можност за месечна рата за користење на батеријата, како подостапна опција при купување.
https://twitter.com/Vespa_Official/status/927895931915300864
#VespaElettrica is not an electric scooter, it's Vespa Elettrica! #EICMA2017 pic.twitter.com/SDocDg7pv3
— Piaggio Group (@Piaggio_Group) November 7, 2017
