Кусо летно четиво од одделението за односи со јавност на Volkswagen. Тоа што изгледа навидум безначајно, всушност ни дава одличен увид во исклучително комплексната организација и начинот на функционирање на мегабрендовите со глобално влијание. Нешто слично на светска администрација.
Значи, по ред. Андреас Кригер, на 50-годишна возраст, досегашен раководител со центарот за развој на претсериски возила, во иднина ја презема одговорноста за моделите од основните класи на марката Volkswagen. Тој ја наследува функцијата од Клаус-Герхард Волперт (60), кој од 1-ви октомври 2017 заминува во пензија.
Главен за моделските серии од средната и вишата класа во иднина ќе биде др. Штефан Гис (54), досегашен раководител за развој на подвозје. Тој ја презема новата функција од др. Елмар-Мариус Лихарц (47), кој во иднина ќе раководи со новото подрачје на дигитализација на финансиите во концернот. Шеф за развој на подвозје станува Фридрих Ајхлер (57), досега главен во развојот на агрегати.
Новите раководители ќе ги преземат своите работни позиции на 1-ви септември 2017. Реторички, кој е одговорен за дизел-аферата?
