Актуелната афера со издувните гасови во автомобилската бранша поттикна серија истражувања и анкети околу нејзиното влијание врз довербата на купувачите. Британците одговорија: Тие веруваат најмногу во марката Ford.
Британската агенција Future Thinking спроведе истражување преку интернет меѓу 2.735 лица, околу тоа како последните случувања со лажното прикажување на емисијата на штетни материи на повеќе автомобилски марки влијаат врз нивната доверба. Учесниците во анкетата требаше да одговараат во кои од 29-те автомобилски марки веруваат најмногу. Резултатите покажаа дека британските возачи имаат најголема доверба во марката Ford, за којашто гласаа 29 проценти од акетираните лица. На второто место е BMW со 27 проценти, а на третото место следи Audi со 25 проценти.
Петте најслабо рангирани автомобилски марки се Skoda (5%), Seat 4%), Subaru (4%), Smart (3%) и Suzuki (3%). Во марката Volkswagen веруваат 10 проценти од анкетираните, исто колку и во марките Porsche и Volvo. Во истражувањето се покажа дека постои генерациска разлика, односно лицата помлади од 18 години веруваат во германските премиум марки BMW, Audi и Mercedes-Benz, додека генерациите над 35 години сметаат дека Ford е марката во којашто можат да веруваат најмногу.
Марките се рангираа по следниов редослед: Ford (29%), BMW (27%), Audi (25%), Mercedes-Benz (18%), Jaguar (15%), Honda (14%), Land Rover (13%), Vauxhall/Opel (13%), Toyota (12%), Porsche (10%), Volkswagen (10%), Volvo (10%), Citroen (9%), Mini (9%), Nissan (9%), Peugeot (9%), Fiat (8%), Alfa Romeo (7%), Hyundai (7%), Jeep (7%), Kia (7%), Mazda (6%), Renault (6%), Mitsubishi (5%), Skoda (5%), Seat (4%), Subaru (4%), Smart (3%), Suzuki (3%). По 11 проценти од учесниците во анкетата не можат да посочат ниту една марка, односно не можеа да одговорат во тој поглед.
Доверба меѓу различни групи на возраст
Под 18 години:
- Најдобри три марки: BMW (41%), Audi (36%), Mercedes-Benz (28%)
- Најслаби три марки: Smart (2%), Seat (4%) Suzuki & Skoda (6%),
18 – 34 години:
- Најдобри три марки: BMW (34%) Audi (31%) Ford (27%)
- Најслаби три марки: Smart (2%) Subaru & Suzuki (3%), Mitsubishi, Seat, Skoda (4%)
35 – 54 години:
- Најдобри три марки: Ford (29%), Audi (26%), BMW (24%)
- Најслаби три марки: Suzuki (4%), Subaru & Seat (5%), Skoda (6%)
Над 55 години:
- Најдобри три марки: Ford (30%) BMW (23%) Mercedes (19%)
- Најслаби три марки: Smart, Seat, Suzuki (3%) Subaru (4%), Mitsubishi, Jeep, Fiat (5%)
