за

Ексклузивен модел за 20-годишнината на Volkswagen Touareg

Славеничка моделска изведба на Volkswagen Touareg по сите стандарди, со специјална боја, врвно дотерана кабина и детали што ги има само Edition 20.

Volkswagen одбележува 20 години на Touareg со специјалната изведба „EDITION 20“, што од средината на јуни ќе ја дополни понудата на премиум-СУВ моделот.

Од неговото претставување во 2002 година, теренецот од виша класа на Volkswagen се докажа како мошне успешен модел. До денес се продадени повеќе од еден милион примероци од Touareg, моделот што отсекогаш се издвојувал како технолошки предводник на марката. Нарачките стартуваа, цената во Германија за моделската изведба со V6 TDI со 231 КС изнесува 77.530 евра.

Специјалниот модел стандардно располага со дисплеј од 15 инчи за инфо-забавниот систем, прочуениот Innovision Cockpit. На списокот на дополнителна опрема секако не отсуствува полу-автопилотот Travel Assist, исто како и пневматската суспензија, за врвен комфор заедно со врвна динамика.

Главното обележје на Edition 20 е новата боја Meloe Blue, заедно со тркалата од 20 инчи со дизајн Bogota, полирани до висок сјај, што се достапни само за славеничкиот модел. Страничните стакла и задното стакло се затемнети, задните диодни светла исто така се затемнети. На средишните столбови е прикажен амблем Edition 20. Познавачите ќе забележат и дека арките на крилата и дифузорот се лакирани во сјајна црна боја.

New item by Automedia MK / Google Photos

Кожените седишта во црна боја, со штепови во беж боја се стандард, заедно со осветлени плочки на праговите со натпис Edition 20. Спортски дух внесуваат црвените штепови на арматурната табла, на воланот и на вратите. Натписот на моделот ја облагородува и кожената рачка на менувачот.

Четири мотори стојат на располагање за Volkswagen Touareg „EDITION 20“, сите во комбинација со 8-степен автоматик и погон на сите тркала:

170 kW (231 КС) 3.0 V6 TDI со вртежен момент од 500 Nm

210 kW (286 КС) 3.0 V6 TDI со вртежен момент од 600 Nm

250 kW (340 КС) 3.0 V6 TSI со вртежен момент од 450 Nm

Приклучен хибрид V6 TSI со системска моќност од 280 kW (381 КС) и вртежен момент од 600 Nm

New item by Automedia MK / Google Photos
New item by Automedia MK / Google Photos
New item by Automedia MK / Google Photos
New item by Automedia MK / Google Photos

Сите модели на Volkswagen што се во понуда на македонскиот пазар, со цени и детални технички податоци, како и можност за споредба, можете да ги погледнете на нашиот онлaјн-каталог Автосалон МК, на следниот линк https://avtosalon.mk/inventory/?marka=volkswagen

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Работниците од Крагуевац привремено во странство, подготовки за електричниот Fiat

Електричните автомобили ја смалија светската потрошувачка на нафта за 3,3%