за

Toyota им издава сертификати на „милионерите“

Германскиот огранок на Toyota организира посебен настан викендов. Во музејот на марката се пречекуваат возачки и возачи со повеќе до 200k километри со својата Toyota.

Убедливо најголемата збирка од историски возила на Toyota во Европа се наоѓа во центарот што е именуван Toyota Collection, во германскиот град Келн. Во центарот деновиве се прославува на големо, се пречекуваат сопственички и сопственици на автомобили Toyota што имаат повеќе од 200.000 на километражата. Тоа е само почетен праг.

Третпат во центарот со историски возила на Toyota во Келн се организира настан за возачки и возачи на автомобили од марката со големи километражи. Секако, се зема предвид и Lexus. Услов за учество на настанот е возилото да има поминато најмалку 200.000 километри. Како што се покажа во претходните години, горна граница не постои.

На фановите на Toyota ќе им претставува дополнително уживање да ги погледнат и 75-те класични модели на јапонската марка, што се изложени во големата хала на Toyota Collection. Поголемиот дел од овие возила претходно беа во приватна сопственост на ентузијаст на Toyota и истите пред неколку години беа пренесени во шпедитерски подвиг до претставителниот објект во Келн, што го обезбеди Тојота Дочјланд.

New photo by Automedia MK / Google Photos

Музејот за мотоспорт на Toyota Gazoo Racing Europe исто така пречекува гости викендов со неколку ексклузивни поставки – ограничено на само 75 посетители. Почитувањето на нормите за заштита од пандемијата досега не било поголем проблем во Германија, отколку што е во остатокот од светот. Пристапот во објектот се дозволува само за лица што претходно ќе се регистрираат на посебна онлајн-страница и ќе приложат доказ дека се вакцинирани.

На сопствениците на „милионерските“ возила (има налепница и за 100.000 km, итн.) им се доделува посебно признание. На визачките и возачите сепак им е поважно дружењето и размената на искуства за нивните миленички.

Значи, возачки и возачи на Toyota во Македонија, ова е одличен пример за акција.

Линк до Toyota Collection

Милионерско Aygo

New photo by Automedia MK / Google Photos
New photo by Automedia MK / Google Photos

Во центарот Toyota Collection

New photo by Automedia MK / Google Photos

Милионерски Lexus LS400 со првиот мотор и со првиот менувач

New photo by Automedia MK / Google Photos

>>> Toyota Corolla Hybrid на лимузинска тура низ Преспа

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Почнува продажбата на новиот Peugeot 308 во Франција

Kia постигна рекорден удел на европскиот пазар и раст од 25 проценти