Kia Motors го постави Вон Киу Канг за потпретседател и раководител на т.н. група за дизајнерски иновации на Kia. Тој ќе креира во центарот на Kia во Намјанг, Кореја, под раководство на Карим Хабиб, шеф на дизајнерскиот центар на Kia.
Канг важи како специјалист за напреден дизајн и ќе раководи со стратешкиот развој на дизајнот на Kia, како на каросеријата, така и во кабината. Неговото поставување се должи на планот на Kia да преземе лидерска позиција во електрификацијата. Дизајнот што ќе се совпаѓа со карактерот на електричните возила треба да одигра клучна улога во привлекувањето на купувачите.
Како дипломец на катедрата за дизајн на возила при Центарот за дизајн во Пасадена, Калифорнија, Вон Киу Канг има стекнато 15-годишно искуство во каросериски дизајн. Како кадар на BMW, тој меѓу другото го има истражувано соединувањето на дизајнот на премиум возилата со идните технологии за мобилност.
Канг досега работеше како креативен директор во центарот за дизајн на BMW во Шангај, Кина. Меѓу неговите највпечатливи креации во јавноста е надворешноста на концептот BMW 3.0 CSL Hommage од 2015 година.