156
20 shares, 156 points

Швајцарскиот град покрај езерото Леман планира во иднина да ги снима брзите возачи, но и оние со прегласни автомобили. Моментно се развива специјален радар за врева.

Парламентот на Женева ги разгледува можностите за казнување за автомобилите што се прегласни. Посебно за таа цел се развива уред што ќе мери колку се гласни возилата што минуваат, како еден вид радар за врева. Во случај кога некој автомобил е премногу гласен, уредот автоматски го фотографира возилото, односно регистерската таблица и лицето што вози.

Вревата од возилата е втор најтежок степен на „загадување“ на животната средина

Сообраќајната врева е втора најтежок степен на оптоварување на животната средина, по загадувањето на воздухот. Шест од десет жители на Женева се изложени на врева, што може да предизвика срцеби заболувања и дијабетес. Уставот на кантонот Женева им гарантира здрава животна средина на жителите.

Развојот на „радарот за врева“ ќе трае меѓу две до четири години, а неговата цена ќе биде иста со обичниот радар. Техничарите се соочуваат со предизвик, затоа што радарот мора точно да одреди од кое возило доаѓа преголемата врева.


Ти се допаѓа? Сподели со пријателите!

156
20 shares, 156 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *