157
21 shares, 157 points

Канадската стартап компанија X-Matik разви автопилот кој може да се вгради дополнително во речиси секој автомобил. Уредот самостојно ги контролира забрзувањето, сопирањето и управувањето со возилото.

Две камери и интелигентен софтвер се доволни за повеќето актуелни автомобили да се претворат во роботски автомобили со уредот на канадската фирма X-Matik. За разлика од системите на големите производители на автомобили, X-Matik користи камери место радар. Бидејќи е наменет за универзално вградување, уредот треба да се приспособи според моделот на возилото. Вградувањето е преку лепење на ветробранот, под ретровизорот.

Со помош на податоците од камерите, автомобилот може самостојно да управува, забрзува и сопира. Возачот мора во секој момент да биде подготвен да интервенира. Според производителот, во тестирање на уредот досега се извозени повеќе од 50 илјади километри. Работата на техниката уште се развива и во следниот период ќе се работи на надминување на проблемите при минување преку крстосница и возење по необележан пат.

Роботски автомобили за посетителите на ЦЕС во Лас Вегас

Samsung очекува 20 милијарди долари профит од роботските автомобили

Volvo тестира „самовозечки“ камион за собирање отпад

Продажбата се очекува да стартува во почетокот на 2019 година. Дотогаш техниката ќе умее и самостојно да го претстрои возилото во соседната лента. X-Matik планира да го продава автопилотот и на европскиот пазар. Сличен систем имаше развиено и американската фирма Comma, но уредот не доби зелено светло за продажба, поради пропустите што ги откри агенцијата за безбедност на патиштата NHTSA.

Кој ќе го финансира проектот со 1.000 долари, заштедува 500 долари кога X-Matik ќе биде готов за испорака

Цената на комплетот којшто се состои од две камери, дисплеј на допир, процесор, контролна единица и сервомотори за управувачот и педалите за сопирање и гас ќе изнесува меѓу 1.700 и 2.500 евра. Од тоа што може да се забележи од сликите, многу компоненти треба да се вградат посебно, а прашање е и намаленото видно поле за возачот, поради робусниот камерен модул. Предноста е во тоа што се „надмудруваат“ прописите, иако при незгода поради вклучен автопилот, производителот сигурно нема да понесе одговорност.

Проектот се одвива преку јавно финансирање. Купувачите што ќе вложат 1.000 долари во автопилотот на X-Matik ќе добијат можност да го тестираат уредот во развојната фаза. Откако ќе стартува продажбата, тие ќе го добијат уредот со доплата од 500 долари.


Ти се допаѓа? Сподели со пријателите!

157
21 shares, 157 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743