140
21 shares, 140 points

Марката со гуштер како заштитен знак најавува враќање на автомобилската сцена со комплетно нов модел в година. Газдите на Wiesmann се нови, остануваат моторите на BMW и намерата да се понуди уникатен спортски автомобил со германски печат за квалитет

Wiesmann е една од оние марки што се малечки според продукцијата на автомобили, но имаат големо име на сцената. Автомобилите на браќата Фридхелм и Мартин Висман уживаа висок респект, следејќи го принципот на родстерите и купеата од традиционалните „гаражни“ марки од Британија, но со една суштинска разлика – автомобилите на Wiesmann се изработуваа со германски квалитет. И уште една, пресудна разлика – шансата да се разминат два автомобила на Wiesmann е помала од можноста дека Rolls-Royce некогаш ќе изработи градски автомобил.

wiesmann salon

За Wiesmann слушнавме последен пат во февруари 2016, кога инвеститорска компанија од Лондон го комплетираше откупот на објектот на компанијата во форма на гуштер, на правата за името и на производствените погони, во вкупна вредност од 5,7 милиони евра. По повеќе од двегодишна пауза, следат нови моменти за фирмата од германското гратче Дилмен.

Гекото е заштитен знак за Wiesmann, затоа што овој вид гуштери е познат по способноста да се држи на секаква подлога – тоа го симболизира врвното „држење“ на автомобилите од Дилмен

wiesmann geko zastiten znak

На 1-ви септември, два препознатливи автомобили со гуштер на хаубата ќе бидат изложени на Салон Приве, ценет автомобилски собир во Бленхајм, Велика Британија. Купето GT MF5 и родстерот MF4 ќе го најават новиот модел чијашто премиера ќе следи в година, веројатно уште напролет, на салонот во Женева.

wiesmann upravna zgrada

Конкретни податоци нема, но барем се знае што може да се очекува. Последен модел е родстерот MF4, премиерно претставен во Женева пред девет години. На местото на 4,8-литарскиот V8 од BMW, со моќност од 367 КС, во 2010 година дојде новиот битурбо V8 од тогашниот BMW 750i. Отворениот двосед долг 4,24 метри и тежок 1.316 килограми, спринтуваше до темпо сто за 4,6 секунди и постигнуваше крајна брзина од 291 km/h. Моделот во 2010 година чинеше 130.000 евра во Германија.

До 2013 година се произведоа само 1.600 автомобили под марката Wiesmann. Наскоро, бројката ќе расте повторно.

И, секако: Џереми Кларксон за Wiesmann (кои не гледаат причина за негодување кога ги водат како Wisemann. Или Weismann)


Ти се допаѓа? Сподели со пријателите!

140
21 shares, 140 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743