Од Швајцарија доаѓа интересен трицикл со погон на струја. Замислата е да се понуди возило коешто освен во патничка изведба, ќе биде достапно и како комунално возило, за достава и за занаетчии.
Изненадувачки свеж концепт на возило доаѓа од Швајцарија. Трициклот со ознака vR3city нуди електричен погон по релативно достапна цена, а нуди и возачко уживање, затоа што подвозјето дозволува наведнување на возилото во свијоци. Посебна изведба со ознака vR3cargo е наменета за служби за достава, комунални служби, превоз на стока и возило за сервисери.
Производителот vRbikes го разви електричното возило имајќи го предвид постојаното интензивирање на сообраќајот во централното градско подрачје, како и поскапувањата на енергенсите и строгите ограничувања во поглед на емисијата на СО2.
Испораките ќе стартуваат во следната пролет. Цената на vR3city изнесува 9.000 швајцарски франци, со вклучени 7,7% ДДВ. Дополнително се плаќа и месечен наем за батеријата, во висина од 89 франци
Кругот на вртење е исклучително мал и изнесува 4,5 метри, што е половина од кругот со градски автомобил. Двата електромотори испорачуваат трајна моќност од 4 киловати, а досегот изнесува најмногу 120 километри. Крајната брзина е ограничена на 45 km/h. Полнењето може да се врши на обичен ѕиден приклучок.
Производител е групацијата vonRoll infratec, којашто во Швајцарија и во странство вработува 1.200 лица на 8 локации. Електричните возила се произведуваат во ливницата на vonRoll во близина на Делемон.
Технички податоци · vR3city, vR3cargo
Категорија |
L2e |
Возачка катег. |
F/A1, од 16 години |
Брзина |
45 km/h |
Досег |
До 130km |
Тежина |
225 kg |
Носивост/Приколка |
90 kg назад, 30 kg напред / 200 kg |
Мотор |
DC-мотор |
Моќност |
2x 2 kW |
Пренос |
Запчест ремен |
Тдехнологија |
Литиум јон |
Полнење 80% |
ca. 6 h (со 2 батерии) |
Суспензија напред |
Телескопска вилушка |
Суспензија назад |
Амортизер, навојна пружина |
Бандажи |
Алу, 3.5 x 13″ |
Гуми |
130/60-13″ |
Сопирачки |
Диск, хидраулика, 220mm |
Рекуперација |
Се дотерува |
Паркирна сопирачка |
Автоматска, назад |