Дарко Јаконов
Во следната сабота, салонот на Volvo во Скопје ќе биде прво одредиште за љубителите и возачите на шведската премиум марка. Врв на настанот, покрај комплетниот возен парк што ќе стои на располагање за пробно возење, ќе биде премиерата на лимузината Volvo S60.
Во сабота, на 19-ти октомври, сите заинтересирани за автомобилите на Volvo ќе можат да бидат дел од настанот Open Doors Weekend, кој се одржува во периодот меѓу 10 и 17 часот. Во салонот на шведската марка во Скопје, лоциран веднаш по салонот на Киа Моторс и комплексот на Електроелемент во Маџари, посетителите ќе можат да присуствуваат на домашното претставување на новиот Volvo S60, модел со којшто Швеѓаните им парираат на Mercedes C-Class и серијата 3 на BMW.
Во центарот на Volvo ќе биде изложена целосната моделска понуда на марката. Специјалистите на шведската марка ќе бидат подготвени со сите информации што ќе ги интересираат посетителите и љубителите на Volvo.
Како што е ред на ваквите настани на отворени врати, посетителите ќе можат да направат пробно возење на моделите на Volvo. Единствено е потребно да се направи резервација на модел и временски термин, најдоцна до четврток, на телефонскиот број 6159 800 или преку формуларот за контакт на https://volvocars.mk.
Дополнителни информации за настанот во сабота на објавата на фејсбук-профилот на Volvo
https://www.facebook.com/volvocarsmk/photos/gm.396452437948736/1668002420001028/?type=3
