143
19 shares, 143 points

Volvo започнува со продажба на новиот S60 на главните пазари во Европа. Тоа е прв модел на шведската марка што нема да биде достапен со дизел мотор. Во новата генерација на лимузината од средната класа се нудат три турбо бензинци и еден плагин-хибрид со име T8 Twin Engine. Системската моќност на последниов модел изнесува 390 КС. Цените на германскиот пазар стартуваат од 43.200 евра.

Турбо бензинците T4, T5 и T6 имаат работна зафатнина од два литри и ослободуваат 190, 250 и 310 КС соодветно. Volvo ја нуди лимузината само во највисоките нивоа R-Design и Inscription, така што сериската опременост е завидна. Во стандардната опрема спаѓаат меѓу другото инф-забавен систем Sensus Connect со пристап на интернет, 3-D навигација, двозонска автоматска клима и широк дијапазон на системи за асистенција.

Додека изведбата R-Design располага со спортско подвозје и соодветни детали во кабината, Inscription е изведен како луксузна варијанта, со хромирани украси, кожени седишта и панели од вистинско дрво, како и глава на рачката на менувачот од шведско кристално стакло.

New photo by Automedia MK / Google Photos

Ти се допаѓа? Сподели со пријателите!

143
19 shares, 143 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *