134
18 shares, 134 points

Клаудија Браун и Томас Стовичек се двете нови имиња во дизајнерскиот тим на Volvo. Дамата е експертка за бои и материјали, Стовичек го дизајнира менито за ракување со дисплеите во Volvo и негово дело е новиот дизајн на вебсајтот на марката, што ќе стартува наскоро.

Од германскиот концерн Daimler Benz доаѓа Клаудија Браун, која на новото работно место во Volvo ќе биде ангажирана како потпретседателка за дизајн на бои и материјали. Таа ќе биде одговорна за стратегијата на бои и материјали во кабината во моделите од марките Volvo и Pentastar.

Клаудија Браун има долго искуство во подрачјето на дизајнот на премиум возилата. Во Daimler, нејзиниот избор решаваше за боите и материјалите во кабината на Mercedes, AMG и Maybach. Претходно, Браун имаше важна улога во дизајнот на бои и изведување на кабината во Porsche.

Томас Стовичек почна да работи за Volvo пред две години, од претходното работно место во Фејсбук. Тој раководи со дизајнот на менијата во дисплеите во кокпитот, како и на начинот на ракување со истите.

Стовичек го надгледува развојот на секоја дигитална интеракција на клиентите на Volvo, од ракувањето во кокпитот, до вебсајтот и мобилните апликации. Наскоро ќе биде пуштен и новиот дизајн на вебсајтот на Volvo, како дело на новиот дизајнер.

Volvo поканува на виртуелна посета на салонот во Скопје

Volvo поканува на виртуелна посета на салонот во Скопје
Volvo поканува на виртуелна посета на салонот во Скопје

Ти се допаѓа? Сподели со пријателите!

134
18 shares, 134 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *