127
35 shares, 127 points

Мала фирма во Германија нуди преработка на буба во електричен автомобил. Тоа би чинело колку нов Mercedes C-Class, но уживањето е друго. Voltimer е дури и многу поевтин од конкуренцијата

Комичните ситуации се во редовниот репертоар, каде и да се појави овој автомобил. Друго и не може да се очекува, кога на најпознатиот автомобил во светот ќе му се одземе звукот, којшто е исто толку препознатлив колку изгледот. А, звукот недостига, затоа што оваа буба вози електрично, тивко, без карактеристичното брмчење на воздушно ладениот боксер.

Тим од германски техно-авантуристи и ретро-визионери, изработе прототип од когошто треба да произлезе идната мини серија буби со погон на струја. Името Voltimer не остава простор за сомнеж околу дејноста на оваа фирма, основана пред една година. Нејзиното седиште е во Блауштајн, во близина на Улм. Планот е да се увезуваат класичарите на Volkswagen – бубата и двете први генерации на транспортерот „були“ – и истите да се префрлуваат на електричен погон.

Voltimer најде пропуст во системот: Тие ги увезуваат бубите од Бразил или Мексико, многу поевтино отколку во Европа

Тимот на Voltimer се надева дека ќе постои доволен број платежно способни љубители на бубата и на були, коишто ќе сакаат старите автомобили да ги возат со модерен погон. Секако дека во Германија постојат уште голем број работилници коишто се специјализирани за префрлување на стари автомобили на електричен погон, вклучувајќи ја и бубата. Но, ентузијастите во Voltimer најдоа „пропуст во системот“.

фолксваген буба, волтајмер

Старите и добро сочувани буби се неверојатно скапи во Европа, а згора на тоа и вредноста им расте нагло. Решението за тоа беше автомобилите да се увезуваат од Бразил, Мексико, но и од Грција, кадешто каросеријата е изложена на многу поблаги атмосферски влијанија.

Очигледно дека една од целите била да се постигне колку е можно пониска крајна цена за преработката. Освен со увозот од Бразил, цената ќе се намали и преку користењето стандардни компоненти. На пример, во сите возила ќе се вградува иста алуминиумска кутија за батеријата.

Купувачите би чекале само четири недели додека биде готова преработката на буба во електрична буба

За преработката на буба во електричен автомобил биле потребни три месеци. На местото на боксерот е вграден стандарден електромотор – исто така со воздушно ладење. Системот за полнење и контролната единица се сместени напред, водено ладената батерија се наоѓа зад клупата. За познавачите на бубата не е тајна дека отстранувањето на моторот е „работа за две минути“. Многу повеќе работа и стручност бара поставувањето на каблите. Оригиналниот менувач останува, затоа што во спротивно би требало да се менува и целата задна оска. За возење се доволни само третиот степен на пренос и рикверцот.

фолксваген були, волтајмер

Електромоторот во прототипот – кој инаку е редок примерок од специјалната сребрена серија по повод дваесетмилионскиот примерок, од 1982 година – располага со 28 киловати или 38 КС. Енергијата пристига од четири батерии. Тоа се стари батерии од Tesla, секоја со капацитет од по 5,3 киловатчасови.

Причина за буба да се префрли на електричен погон: Кабината почнува да се загрева за 30 секунди, што кај оригиналот не успева ниту по 30 минути

Батериите може да се полнат исто како кај секој друг електромобил, на станица со полначи. Разликата е во тоа што сопствениот полнач во возилото е предвиден за „домашни“ 3 киловати. За целосно полнење се потребни четири и пол часови. Потрошувачката на струја на сто километри изнесува околу 11,5 киловатчасови, што исто така е вообичаена вредност.

Спринтот до 50 km/h изнесува околу пет секунди. За автомобил што нема серво сопирачки, тоа е веќе пребрзо. Идејата е во возењето да се ужива на друг начин, спокојно и со еколошки чиста совест зад воланот – во автомобил што е најверојатно дека ќе биде стар околу половина век.

Купувачите ќе можат да избираат меѓу две изведби, City и Country. Разликата е во моќноста на електромоторот, бројот на батерии, во контролната електроника и во полначот. City е поевтината варијанта, со две место со четири батерии, и поради тоа со досег од само 70 километри. Со додавање батерии, досегот може да се зголеми максимално на 400 километри. Покрај тоа и електромоторот е послаб и располага со 15 киловати. Рекуперацијата на енергијата се одвива само при сопирање, додека во поскапата варијанта, тоа се случува при секое отпуштање на „педалот за гас“. Цената во секој случај заслужува внимание, иако е јасно дека не може да се очекува таа да биде како на обичен автомобил од салон. City чини околу 30.000 евра, за Country се потребни 8.500 евра повеќе.

Некои добро сочувани примероци на бубата со обичен мотор се нудат за исто толку пари. Како опција се нуди генератор на звук, за на фановите да не им недостига карактеристичното „боксување“ дури и кога погонот е на струја.

Volkswagen ја испраќа „бубата“ во музеј – повторно

Како Британците пропуштија да ја присвојат „бубата“ на Volkswagen

Најсочуваниот Volkswagen Beetle има поминато само 90 километри>


Ти се допаѓа? Сподели со пријателите!

127
35 shares, 127 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743