Обезбедувањето полначи за струја станува предност на супермаркетите во привлекувањето клиенти. Синџирот супермаркети Tesco во Велика Британија, во следните години ќе постави полначи на 600 локации, заедно со Volkswagen
Германскиот производител на автомобили стапи во стратешко партнерство со синџирот супермаркети Tesco. Во следните три години, на 600 локации на супермаркетите Tesco ќе се поставуваат повеќе од 2.400 полначи за електрични автомобили. Од оваа соработка ќе произлезе најголемата мрежа од станици за полнење во британската малопродажба. Со станиците ќе раководат Volkswagen и Pod Point, една од водечките компании за полначи за електрични возила во Велика Британија.
Клиентите ќе можат бесплатно да ја полнат батеријата на своите електромобили, на паркиралиштата на Tesco на целата територија на земјата. Во случај кога батеријата треба да се наполни побрзо, тогаш може со соодветен надомест да се користи брз полнач од 50 киловати, место стандардниот од седум киловати. Со мрежата на Tesco, бројот на станици за полнење во Велика Британија се зголемува за 14 проценти.
Веќе во 2020 година стартува продажбата на првиот електричен модел на Volkswagen од новата подмарка ID
Volkswagen работи на стратегијата да прерасне во водечки производител на електрични автромобили и понудувач на мобилни услуги. Годишната продажба на автомобили на струја ќе надмине еден милион примероци до 2025 година. Веќе од 2020 година, Volkswagen стартува со подмарката ID, чиишто возила ќе користат специјално развиена платформа за електричен погон.
Volkswagen Passat отстапува место за електрични модели
Volkswagen со повеќе продажби и промет, а помалку профит и маржа