121
19 shares, 121 points

Ако се направи споредба со тукашните стандарди, Volkswagen Tanoak Concept и Atlas Cross Sport за Американците се истото што Golf и Caddy се за европските купувачи

Многу вести пристигаат деновиве од другата страна на океанот, што е знак дека таму започна автомобилската недела во Монтереј. Традиционалниот собир во сојузната држава Калифорнија опфаќа најразновидни настани, вклучувајќи трки со историски олдтајмери и наддавање за олдтајмери вредни десетици милиони долари.

Volkswagen Tanoak Concept и Atlas Cross Sport не се ниту скапи олдтајмери, а уште помалку се наменети за тркачкиот асфалт, но затоа производителот има намера со нив да биде колку е можно поприсутен на американските улици. Затоа, концептот којшто го најавува идниот пикап и СУВ-купето кој е на праг на сериско производство, можеме да ги водиме како американски Golf и Caddy. Пикапите се омилена „автомобилска“ форма на Американците, додека СУВ-овите со петметарски формат се гледаат како компактен семеен автомобил.

Volkswagen Tanoak Concept, Atlas Cross Sport nazad

Atlas Tanoak и Atlas Cross Sport имаа премиера на терените за голф во престижното калифорниско престојувалиште Пебл Бич. Двата модела се базираат на седумседот Atlas. Сериското производство на СУВ-купето ќе стартува в година. Во концептната верзија на моделот работи плагин-хибриден погон со 360 КС и можност за возење на струја до 40 километри. Втората верзија на концептниот автомобил располага со обичен хибриден погон, без можност за надворешно полнење на батеријата и со моќност од 314 КС.

За пикапот уште нема конкретни најави. Моторот е „класичен“ V6 со 280 КС. Atlas Tanoak е всушност прв пикап на Volkswagen врз база на модуларната платформа MQB. Пикапот е идентичен со СУВ-купето до средишниот столб. Рачките во задните врати се сокриени во задните столбови. Името на концептниот пикап потекнува од вид дрво на брегот на Пацификот, коешто достигнува висина до 45 метри.


Ти се допаѓа? Сподели со пријателите!

121
19 shares, 121 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743