143
46 shares, 143 points

Volkswagen го потврди лидерството на европскиот пазар, како една од петте марки со најголем пораст во продажбата лани. Голема заслуга за тоа има компактниот СУВ-модел врз база на Golf. Со 143.000 продадени примероци, Volkswagen T-Roc е моделот што најмногу напредувал на европскиот пазар.

Секоја година во февруари конечно се консолидираат продажните резултати на големите автомобилски концерни, за веќе во март, да следи претставување на марките во најдоброто светло пред публиката на салонот во Женева. Кај Volkswagen е сосем извесно дека рефлекторите ќе бидат пуштени на најсилно.

New photo by Automedia MK / Google Photos

Марката од Волфсбург останува неприкосновена на првото место во продажбата. Во 2018 година, Volkswagen продал 1,75 милион возила во Европа, постигнувајќи пораст од околу 3 проценти. Тоа е воедно и најдобра продажба на марката по 1999 година. Германците ја имаат својата марка на првите места во продажбата во 11 држави во ЕУ: Австрија, Белгија, Холандија, Швајцарија, Данска, Норвешка, Ирска, Словенија, Хрватска, Луксембург и Латвија. Во Германија, секако. На уште десет пазари, Volkswagen е втора најпродавана марка.

New photo by Automedia MK / Google Photos

Главниот мотор на продажбата се моделите од СУВ-сегментот, за коишто лани се пријавиле 415.700 сопственици. Бројките се спектакуларни: Продажбата на Tiguan, Tiguan Allspace, T-Roc, Touareg, пораснала за 61% во споредба со 2017 година. Сега се придружува и најмалиот, СУВ-моделот врз база на Polo, кој дефинитивно ќе го предизвика најголемиот продажен бум на VW во овој сегмент на возила. „Порше“ уште не ги има објавено цените за Volkswagen T-Cross за нашиот пазар, но извесно е дека неговото присуство по македонските улици ќе биде впечатливо.

New photo by Automedia MK / Google Photos

Голфот меѓу СУВ-моделите, Volkswagen T-Roc, на нашиот пазар стартува од 20.242 евра, во моделска изведба со еднолитарец со 115 КС и шестстепен мануелен менувач. Истата моќност е достапна и кај дизелот од 1,6 литар, чијашто цена изнесува 22.476 евра. Обете цени важат за основното ниво на опрема, во коешто се вклучени двозонска автоматска клима, систем за следење лента, сензори за светло и за дожд, блутут, мултифункциски волан, паркинг сензори напред и назад, магленки, потпирач за рака напред и резервно тркало во полна големина.

New photo by Automedia MK / Google Photos

Постојат повеќе можности да се внесе личен печат во изгледот и стилот на T-Roc, од типот на специјална „куркума“ боја во комбинација со покрив во контрастна боја, бандажи со впечатлив дизајн и пречник до 19 инчи, па се до пакет R-Line, кој додава спортски изглед.

New photo by Automedia MK / Google Photos

Покрај основните мотори, достапни се и 1,5-литарски TSI со 150 КС и активно исклучување на цилиндрите, дволитарски TSI со 190 КС, заедно со менувач DSG и погон на сите тркала, додека понудата од дизели ја дополнува 2.0 TDI со 150 КС, кој исто така е достапен и во комбинација со погон на сите тркала.

Интересот на сцената моментно е насочен кон спортската верзија со повеќе од 300 КС, којашто верно на номенклатурата на Volkswagen ќе ја носи ознаката R.

Кога Volkswagen излегува на штанд со B32 и „Erdbeerkörbchen“

Електричниот Volkswagen на тајна мисија во Јужна Африка

Volkswagen ќе гради фабрика во Бугарија или Романија?

Volkswagen T-Cross: Доаѓа СУВ-моделот на база на Polo и по цена на Golf

Тест: Volkswagen Golf 1.6 TDI Trendline

 


Ти се допаѓа? Сподели со пријателите!

143
46 shares, 143 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *