Volkswagen ќе им помогне на производителите на респиратори преку изработка на компоненти за истите. Станува збор за делови што може да се изработат со 3D-печатари.
Volkswagen ќе им помага на производителите на респиратори во кризата со вирусот корона, преку сопствено производство и испорака на одделни делови за истите. Од германската компанијата објавија дека „медицинската опрема е новина за нас, но штом ги совладаме предизвиците и ќе ги добиеме техничките нацрти, веднаш ќе стартуваме.“ Станува збор за компоненти што може да се произведуваат со 3D-печатари во погоните за изработка на пластични делови и прототипи. Институциите веќе имаат доставено барања, а се контактира и со здруженијата.
Во фабриките на Volkswagen моментно мирува производството поради високиот ризик од инфицирање, прекинатиот синџир од добавувачите, како и од значително намалениот интерес на пазарите во Европа и Кина. Изработката на делови за медицинска техника може да се одвива и надвор од Германија. Во повеќе фабрики на концернот во светски рамки, веќе се работи на новите предизвици.
Во меѓувреме се готови и првите делови од пробното производство. Групацијата Volkswagen располага со повеќе од 125 индустриски 3D-печатари. Таа обезбеди и заштитни маски од сопствените залихи, за клиниките, амбулантите и институциите.