Нов директор за производство на патничките возила од марката Volkswagen е др. Кристијан Фолмер, кој доаѓа на местото на др. Андреас Тостман, чијашто нова функција е генерален директор на MAN.
Досегашниот директор на производството за марката Seat, др. Кристијан Фолмер, од 1-ви август преоѓа на истата функција за марката Volkswagen. Тој доаѓа на местото на др. Андреас Тостман, кој на 16-ти јули беше назначен за нов генерален директор на MAN Truck & Bus SE.
Др. Кристијан Волмер е дипломиран машински инженер и работи 20 години во Volkswagen. Неговата работна кариера започна во 1999 година во одделението за планирање во погоните за пресување во фабриката на Volkswagen во Волфсбург. Во 2002 година, тој е поставен за главен референт во производството, а од 2005 година е раководител на производството на автомобили во фабриката на Volkswagen во Братислава, Словачка.
Пет години подоцна, Фолмер станува директор на производството на Volkswagen во Шангај, Кина. Во 2014 година следи назначување на функцијата технички извршен директор во SAIC-Volkswagen. На досегашната позиција, германскиот менаџер преоѓа во 2018 година, на функцијата на директор на производство во Марторел, Шпанија.