161
94 shares, 161 points

Вработените во концернот Volkswagen кои ќе видат простор за подобрување во процесите на своето работно место, добиваат до 75.000 евра награда од својот работодавец. На годишно ниво, „изумителите“ во компанијата заработуваат по дваесетина милиони евра

Концернот Volkswagen од 1-ви февруари им исплатува премија во висина до 75.000 евра на своите вработени, кои ќе предложат подобрување во процесите на своето работно место. Тоа е речиси двојно зголемување на висината на премијата. Од почетокот на месецов е поедноставена и постапката за поднесување на иновациите. Во првите неколку денови по воведувањето на новиот систем, вработените доставиле повеќе од 750 идеи за усовршување до Volkswagen AG.

Бернд Остерло, претседател на работничкиот совет: „Најдобрите експерти во компанијата се колегите и колешките на своите работни места“

Практиката за поттикнување на иновативноста на вработените во VW постои веќе седум децении. Идеите се поднесуваат онлајн преку посебен ИТ-систем и се разгледуваат од проценителите и од претпоставените. Вработените можат во секој момент да дознаат во која фаза се наоѓа разработката на нивната идеја. Иновациите, па дури и ситните промени во навидум банални подрачја, можат да му донесат голема заштеда на производителот на автомобили.

Приближно една третина од вработените во Volkswagen AG поднесуваат идеи за подобрување, од година в година. Само лани доспеале повеќе од 42.000 идеи. Висината на премијата се одредува различно, во зависност од степенот на иновацијата. Во последните неколку години, концернот исплатувал просечно по 23 милиони евра на годишно ниво за иновативните идеи на своите вработени.

Volkswagen T-Roc со најголем пораст во продажбата лани

Кога Volkswagen излегува на штанд со B32 и „Erdbeerkörbchen“

Volkswagen ќе гради фабрика во Бугарија или Романија?

Трамп на твитер се израдува за инвестицијата на Volkswagen


Ти се допаѓа? Сподели со пријателите!

161
94 shares, 161 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *