157
30 shares, 157 points

Викендов во Шведска се бараа нови сопственици за 51 стари фолксвагени од приватна колекција. Буба од 1948 година достигна дури 130.000 евра

Педесетина возила од најголемиот приватен музеј на Фолксваген во Шведска викендов беа понудени на наддавање во Шведска. Потрагата по новите сопственици за старите автомобили од германската марка мина успешно. Претходниот сопственик инкасираше вкупно 670.000 евра за историските модели кои три децении беа изложени во неговиот приватен музеј.

Некои од понудените примероци не ја постигнаа минималната вредност на наддавањето. За овие преостанати примероци ќе се преговара со учесниците кои дадоа највисоки понуди на наддавањето. Повеќето возила ќе останат во Шведска, вклучувајќи ги двата најскапи примероци, кои воедно беа најстариот и најмладиот автомобил во досегашната музејска поставка.

volkswagen Ùltima edición
VW Ultima Edicion од 2003 година вредеше повеќе од најскапиот нов модел на Volkswagen

Најскапа беше „буба“ од 1948 година, со 131.000 евра. Слична вредност постигна и единствениот примерок од последната серија од бубата што бил регистриран во скандинавската земја, VW Ultima Edicion од 2003 година. Овој редок примерок му припадна на шведски трговец специјализиран за стари автомобили со ниска километража, за 106.800 евра.

На наддавањето се појавија и неколку ретки фолксвагени, за коишто колекционерите не беа подготвени да ја платат високата цена

Освен за „буби“ од сите годишта и од сите варијанти, се наддаваше и за неколку примероци од VW 1500, за легендарниот VW Typ 2, за баги-верзија, Karmann-Ghia Cabriolet, Karmann-Ghia 1600L, VW 411, VW K70, Typ 181, Golf I, .

Холандски колекционер си замина од наддавањето со дури 12 возила. Неколку стари автомобили си најдоа нови сопственици во Белгија, Германија и Швајцарија. Два ретки примероци, VW 1200 со компресор Judson и бразилскиот SP2, не успеаја да го поттикнат интересот на колекционерите. Тие беа подготвени да понудат 14.500, односно 19.400 евра за овие два автомобила, што беше под поставениот минимум.
Досегашниот сопственик не ја напушта германската марка. Поголемиот дел од средствата од наддавањето ќе бидат инвестирани во VW 1303 подготвен за рели.

Volkswagen ја испраќа „бубата“ во музеј – повторно

Како Британците пропуштија да ја присвојат „бубата“ на Volkswagen

Вредноста на старите „буби“ расте вртоглаво


Ти се допаѓа? Сподели со пријателите!

157
30 shares, 157 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format

Notice: ob_end_flush(): failed to send buffer of zlib output compression (0) in /home/automedi/public_html/wp-includes/functions.php on line 3743