141
19 shares, 141 points

Електричниот Volkswagen ID.R постави најбрзо време на ридската патека во Гудвуд, извозувајќи го легендарниот курс за 41,18 секунди. Урнат е 20-годишниот рекорд, што Ник Хајдфелд го постави со McLaren MP4/13.

Најбрзото време на ридската патека во Гудвуд повеќе не ну припаѓа на тркачки болид од формула 1, туку на електричен автомобил на Volkswagen. Дваесет години остана рекордното време од 41,60 секунди, што Ник Хајдфелд го постави во 1999 година со McLaren MP4/13. Сега има нов рекордер, Volkswagen ID.R и, тој вози на струја. Неговото време е 41,18 секунди.

New photo by Automedia MK / Google Photos

Тркачкиот промотер на електричниот погон на Volkswagen, на патеката долга 1.867 метри постигна просечна брзина од 163 km/h. Рекордот го извозе Ромен Дума, двократен победник на Леман. Ова беше трето брзинско докажување на ID.R, по рекордните 6:05,33 минути на Нордшјалфе на Нирбургринг во минатиот месец, а потоа и рекордното време за искачување на Пајкс Пик, од 7:57,15 минути, поставено лани во јуни.

„Постојано расте моќноста на електричните автомобили и многу е возбудливо кога тие им се спротивставуваат на автомобилите со мотор со внатрешно согорување. За претстава околу напредокот што го постигнавме, во 2018 година извозевме за 43,86 секунди – годинава бевме побрзи за безмалку три секунди

Свен Смитс, Volkswagen

Трркачкиот прототип ID.R се усовршува постојано и моментно постигнува моќност од 680 КС и вртежен момент од 650 њутнметри. Со возач, електромобилот тежи под 1.100 килограми. Спринтот до темпо сто трае 2,25 секунди, брзината е ограничена на 270 километри на час.


Ти се допаѓа? Сподели со пријателите!

141
19 shares, 141 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *