Појавувањето на ID. Buggy на штандот на Volkswagen во Женева секако дека не е само заради забава за публиката, туку тоа носи и одредена порака. Идејата е да се докаже дека преоѓањето на електричен погон не задира во суштината на легендарните видови на возила кои оставиле печат во историјата на автомобилизмот. Но, има порака и до стартап-компаниите
Како техничка основа за возилото служи фамозната електрична платформа MEB, исто како кај низа модели од повеќе марки од концернот Volkswagen што ќе почнат да се појавуваат мошне скоро. На салонот беше соопштено дека MEB ќе биде достапна и надвор од концернот, што не ја исклучува можноста дека некоја идна стартап-компанија би можела да ја купи платформата и да произведува сопствени модели врз истата.
За разлика од историското баги, коешто ја користеше шасијата од буба, ID. Buggy има високоволтна батерија во целиот под. Таа испорачува енергија за електромоторот со 204 КС, кој верно на оригиналот е вграден назад. Мошне едноставно е да се изведе и погон на сите тркала, кој би бил корисен за намената на багито, со поставување втор електромотор напред.
Нема покрив, нема ниту врати, доволно е тоа што материјалите се водоотпорни. Салонската студија е двосед, но техничарите напоменуваат дека е лесно да се изведе и 2+2 варијанта. Самоносечката каросерија е изработена како комбинација од алуминиум, челик и пластика. Горната половина од каросеријата може да се одвои од основата на платформата MEB. Тоа отвора простор за работа за стартап-компаниите и каросериските работилници. Исто како на времето.
Volkswagen Touareg добива осумцилиндарски дизел со 421 КС
Volkswagen T-Roc со најголем пораст во продажбата лани
VW T-Roc R е дефинитивно Golf GTI меѓу компактните кросовери
Топ 20 Најпродавани СУВ-модели од компакт класата во Германија