136
18 shares, 136 points

Во Автомобилскиот Град на концернот Volkswagen е испорачан првиот примерок од Golf 8 во Германија. Честа да го вози „првиот голф осум“ во приватна сопственост ѝ припадна на Беате Хервег.

Во центарот во когошто се постои за и околу концернот Volkswagen, неговите марки, услуги, историја и иднина, кусо Автомобилскиот Град, беше испорачан првиот примерок од Golf 8 во Германија. Беате Хервег ќе биде запишана во документите како прва сопственичка на автомобил од новата генерација на оваа моделска серија со богата традиција.

Малата, но значајна свеченост се одржа во присуство на Франческо Форте, директор за продажба на возила за вработени во марката Volkswagen и Тино Прајс, кој е одговорен за овој дел од продажбата во Волфсбург и Брауншвајг. Автомобилот на госпоѓа Хервег е лакиран во боја на месечев камен. Повеќе детали околу возилото не се објавуваат.

Volkswagen Golf во својата осма генерација прави голем исчекор во правец на дигитализацијата. Од почетокот на продажбата на Golf во 1974 година, досега во светот се продадени повеќе од 35 милиони примероци. Со тоа, компактот од Волфсбург се вбројува меѓу најпродаваните моделски серии во историјата.


Ти се допаѓа? Сподели со пријателите!

136
18 shares, 136 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *