Денес започна судската постапка за спорот околу авторските права за изгледот на легендарната „буба“, меѓу производителот Volkswagen и ќерката на дизајнерот
Од средата (21.11) се води судска постапка околу дизајнот на еден од најуспешните автомобили на сите времиња, на „бубата“ и на нејзиниот наследник New Beetle. Во првото рочиште околу авторските права во покраинскиот суд во Брауншвајг не се постигна спогодба меѓу производителот од Волфсбург и фамилијата на Ервин Коменда (1904-1966), дизајнер на Porsche.
Ингрид Штајнек, ќерка на дизајнерот, бара чесен надомест, односно соодветна компензација за големиот успех на автомобилот во изминатите седум децении. Тоа ќе претставува своедивно признание за животното дело на дизајнерот. Volkswagen смета дека тужбата е неоснована. Како дизајнер на „бубата“ (оригинално Käfer), официјално се води конструкторот Фердинанд Порше.
Претходно беше одбиена слична тужба за Porsche
Кон крајот на јули, покраинскиот суд во Штутгарт одби слична тужба околу авторските права за Porsche 911 и неговиот претходник Porsche 356. Во меѓувреме е поднесена жалба за таа одлука од страна на тужителката Ингрид Штајнек.
Volkswagen ја испраќа „бубата“ во музеј – повторно
Како Британците пропуштија да ја присвојат „бубата“ на Volkswagen
Бубата на Volvo наврши 70 години
Најсочуваниот Volkswagen Beetle има поминато само 90 километри