за

Volkswagen ќе развива автопилоти во Силиконската Долина

Volkswagen ќе развива автопилоти во Силиконската Долина
Volkswagen ќе развива автопилоти во Силиконската Долина

Volkswagen најави отворање центар за истражување и развој на технологија за автономно возење во Калифорнија. Центарот ќе биде дел од глобалната мрежа за автопилотски системи, коишто ќе се вградуваат во сите марки на концернот, за сите пазари.

На саемот за потрошувачка електроника ЦЕС во Лас Вегас, Volkswagen го најави отворањето на нов центар за истражување и развој на технологија на автопилотирани возила. Центарот ќе работи во рамките на инженерскиот комплекс на американскиот огранок на групацијата Volkswagen, којшто се наоѓа во Белмонт, на периферијата на Сан Франциско, односно во Силиконската Долина.

Во новиот центар уште годинава ќе почнат да работат 50 до 100 експерти за системска техника и системска архитектура. Компанијата што официјално се води како Volkswagen Autonomy, има за цел до средината на новата декада да развие системи за автопилотирано возење до сериска зрелост.

Volkswagen Autonomy моментно има канцеларии во Волфсбург и Минхен. По новиот центар во Калифорија, наскоро ќе се придружи и работната единица во Кина. Четирите центри ќе соработуваат во подрачјето на автономното возење и координирано ќе ја развиваат и усовршуваат технологијата.

Концернот планира првите автопилоти да ги вградува во доставните возила, односно од страна на компаниите што возилата ги користат во професионални цели. Притоа се мисли првенствено на автономни такси возила или роботска достава, како што воедно беше најавено со концептите со електричен погон ID.Buzz и ID.Buzz Cargo.

Какво е Вашето мислење

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Коментари

Напишете коментар

Вашата адреса за е-пошта нема да биде објавена. Задолжителните полиња се означени со *

Вчитувам

0
Rolls-Royce Cullinan Otvos

Теренецот Cullinan му донесе историски рекорд на Rolls-Royce

Mitsubishi ASX 2020

Новото годиште на Mitsubishi ASX стартува со продажба во Македонија